【Kelly Online】派散水餅被上司斥危急時離職非人所為地盤職員反駁獲激讚

港聞

更新時間：12:05 2019-05-06 HKT
發佈時間：11:11 2019-05-06 HKT

「香港兼職散工群組（招聘、求職、請人、搵工）」圖片。

不少打工仔離職前都會買兩、三打散水餅慰勞同事，不過社交網站流傳數張WhatsApp截圖，有離職者派發散水餅並在WhatsApp群組中留言感謝同事，怎料獲上司留言斥責他在危急時候離職，更口出惡言質問「係人所為？」。該名離職者事後以長文反駁，並批評上司人格及涵養有問題。帖文獲大批網民留言支持，更大讚離職者「回得好！令人心曠神怡！」。

「香港兼職散工群組（招聘、求職、請人、搵工）」圖片。

有網民在社交網站facebook群組「香港兼職散工群組（招聘、求職、請人、搵工）」上傳數張WhatsApp對話截圖，由截圖可見，該名離職者指自己最後一天在該地盤工作，準備了數盒散水餅以感謝同事的教導及照顧，並祝福其他同事未來工作順利。其上司見狀隨即留言回覆：「乜喺地盤危急時候散水，係人所為？」似乎不滿意對方離職決定。

該名離職者其後以長文反駁，指根據上司的教導，「地盤一日未完，每日都應該係危急時間，唔應該咁劃分，希望你作為管理層可以留意返呢點」，又指自己於過去半年已經盡全力完成龐大的工作量，但仍未達上司的標準，對此感到疲憊，認為最近兩個月辭職的人不少，「你可謂功不可沒，不斷調人走，不斷話我哋唔做嘢，根本工作量已經達極限」。

「香港兼職散工群組（招聘、求職、請人、搵工）」圖片。

他又指，自己在該公司工作5年多，無功都有勞，惟上司的言論令他感到心寒，斥責對方人格、素質以及涵養都出現大問題，「希望你得閒睇多啲書，提升返個人素質及涵養」，不要做沒品德的人，要好好教育下一代。最後他指出，上司所說的「係人所為？」，「你先係大宗師，我呢啲蕃薯仔都係有樣學樣，都係嗰句，多謝你嘅教導」。

該帖文獲大批網民留言讚好，不少人支持離職者，更稱「件事好舒壓」，亦有人留言稱「人哋都走啦！佢咁講野，咩唔係人？X！就算真係幾緊急都好，人哋打份工咋，唔係賣命呀！」。