周驄離世｜4年前豁達談生死 望死前能做一事冀死後能滋養泥土：將我嘅愛留喺世上
更新時間：14:22 2025-07-04 HKT
發佈時間：14:22 2025-07-04 HKT
發佈時間：14:22 2025-07-04 HKT
字體大小
周驄離世終年92歲。有TVB御用爺爺之稱的周驄，今日有傳媒報導指因肺炎病逝，終年92歲。周驄自2018年起因太太陳綺華患癌而大幅減產，鮮有公開露面。惟他於4年前曾經接受專訪談生死觀，在訪問中，周驄罕有提到自己對死亡的看法。
周驄離世｜生前談死亡：今夕吾驅歸故土
周驄當時在接受訪問時穿上一件深色風衣，穿著樸素簡單，談起死亡他臉上多次露出慈祥的微笑。他說：「我諗我拍戲都拍咗幾十年，差唔多60年啦，其實都好似死過好多次，今夕吾驅歸故土，他朝君體也相同。死亡是最公平的，無論你幾富有或者好貧窮，好聰明或者係笨伯 ，人人都要面對。」
相關閱讀：周驄離世終年92歲 傳不敵肺炎病逝
周驄離世｜憶送別老友：瞓著走咗幾有福氣
周驄認為人生終要面對生死，並非不提便不會來臨。他說：「 唔通你唔講，死亡就唔會降臨你身上咩？咁多年嚟，我送別咗唔少朋友，有時我見到朋友臨走嗰時，氣喘吁吁，個面部插滿喉，睇見都恐怖，不過我亦有啲朋友，佢平時冇咩病痛，一入到醫院就好似瞓著咗咁，瞓著咗咁就走咗，呢種人真係幾有福氣，直程可以講話走得好，當然如果你嘅後人能夠依照你嘅囑咐，同你辦妥身後事，當然會更好。」
相關閱讀：周驄離世｜與太太陳綺華相愛半世紀 愛妻7年前患癌大幅減產照顧對方 終淚別一生最愛
周驄離世｜談最後一程：帶住笑容咁走
談到如何安排自己的「最後一程」，周驄說：「老實講我都有諗過，諗嚟諗去最好係能夠教妥份平安書（紙）， 如果你再問我，我希望我臨走前，能夠有啲美食食吓，咁就真係最好啦。」周驄又指，希望自己百年歸老後，能夠把骨灰撒在花園滋養泥土，他笑言：「咁對我嚟講，都算係將我啲愛心留返喺呢個世界上面。」他更表示：「我諗起我自己，我哭住咁嚟到呢個世界，如果臨走嗰陣，我可以帶住笑容咁走，咁真係死而無憾。」
最Hit
