【Kelly Online】父領200萬退休金變大使連登仔呻：驚佢耳仔軟被人搵笨

港聞

更新時間：13:12 2019-04-13 HKT
發佈時間：12:45 2019-04-13 HKT

連登仔呻父領200萬退休金變大使。

不少勞碌一生為求有安穩退休生活，用退休金歎世界。有連登仔發文老竇領取200萬元退休金後變得大使，經常到高級餐廳歎下午茶，又在不經度尺寸下買傢俱，認為他十分大使。

連登仔「顏色不一樣的煙火」在論壇發文，指任職銀行職員的爸爸領取200萬元退休金後變得大使，「成日去高級餐廳high tea，豪客到人哋個老闆以為佢係有錢人，當佢係貴賓咁招待。」他稱，因家中準備裝修，指父親在無度尺寸下買傢俱，「阿媽問佢『吓，咁如果唔啱size點算? 太大放唔到落去呢一個位』佢就話唔啱嘅咪再買過第二個囉!呢個放埋一二邊囉。」

他又指，其父親不願將退休金存至與母親的聯名戶口，又不時時向朋友透露已經有筆退休金，「所以我同屋企人好驚佢會俾人搵笨，因為我阿爸耳仔軟。」

不少網民都認為，工作幾近一輩子，退休後大使屬正常，「一世人未威過，想威下，突然有一大筆錢，就當發咗達，土豪心態，就算佢中咗頭獎都過唔到一代」、「辛苦成世都冇儲到200萬，一退休就有咪會咁，覺得200萬使唔哂」、「筆錢係佢嘅，點使係佢話事」。