以正能量面對破產 45歲韓君婷：死魚搵唔到食

頭條日報-娛樂

更新時間：04:16 2021-04-12 HKT
發佈時間：00:00 2021-04-12 HKT

　　現年45歲韓君婷早年因在浴室滑倒撞歪鼻骨，由幕前轉戰美容界，原本生活沒問題。然而，她為專心陪伴患甲狀腺病及末期肺癌的母親，更要承擔母親龐大的醫藥費，因此到母親病逝後已積下40萬元債項，由於不想連累朋友受財務公司滋擾，韓君婷在1月中向法院提交破產呈請。
　　韓君婷解釋行到申請破產這步，就是希望用正能量去面對，她說：「申請破產有程序，等律師通知下一步點做。求神拜佛政府幫我計數還債，最擔心政府批畀外判公司，聽聞要付外判公司兩、三成費用，我已經冇錢，真係跳樓都唔掂！我係好鍾意，又需要工作的人，有工作才有收入及開心！決定行這步，我用正能量去面對，一條死魚搵唔到食，好清楚自己的方向，亦知道自己有能力做到，只欠少少機會及運氣，條數還多兩年就還清，最緊要有穩定收入，慳慳地每個月還一萬。」
　　至於目前的生活開支，韓君婷表示暫時冇問題，大家看到報道後，收到好多朋友電話慰問，有些是好耐沒有聯絡的同事及朋友，他們都說會幫她留意工作。她坦言好感激梁思浩、蔡國威、李思蓓及圈外好友Betty媽等幫手，蔡國威一直收留她，而思浩介紹她為網台做兼職主持，她透露每星期做兩日，還會做「帶貨」賺錢。現時她做了超級「慳妹」，使錢前也計過度過，每日的飲食及車費開支不可超過100元。