【有片】跨欄爬亭底睇元旦煙花 山頂靚女去得盡

港聞
更新時間:12:03 2018-01-01 HKT
發佈時間:10:48 2018-01-01 HKT
踏入2018年零時零分,維港發放「魔法星塵」元旦煙花迎新年。為爭取靚位賞美景,市民不但專程上山頂霸位,有人求盡善盡美,做「山大王」走上斜坡自選靚角度。有盛裝美女更跨欄爬到亭底,險象橫生。



為安全起見,在場維持秩序的警員不斷驅趕斜坡上的「山大王」,雙方鬥智鬥力,有人賴死不走,有人越叫越走,甚至躲於樹叢,一場「兵捉賊遊戲」玩足大半小時。



不過,你有張良計,我有過牆梯,有市民在另一邊山坡繼續爬,還有盛裝美女拋下儀態不顧,跨過欄杆,爬到亭底,自選靚位。只是,亭底長滿雜草,辛苦走到這裏,似乎看草清楚過睇煙花。