港人入住大阪膠囊酒店被偷銀包！現金/信用卡/身份證全失 2點質疑酒店監守自盜：超級可疑

更新時間：18:04 2025-11-11 HKT
發佈時間：18:04 2025-11-11 HKT

為節省旅行開支，有人會選擇入住價錢親民的膠囊酒店，不過最近有港人入住大阪心齋橋一間的膠囊酒店期間，發現放置在儲物櫃內的銀包被偷走，裏面的現金、信用卡及身份證等全部不翼而飛！事後，事主因2點質疑酒店方面監守自盜，並呼籲其他網民要小心留意選擇住宿地點，即看下文了解詳情。

港人入住大阪膠囊酒店被偷銀包！ 2點質疑酒店監守自盜：超級可疑

近日，有網民在網上討論區LIHKG以「大阪膠囊酒店被偷銀包」為題發文，表示早前到日本大阪旅行時，入住位於心齋橋附近的「Capsule Hotel Asahi plaza Shinsaibasi」膠囊酒店。據事主描述，他入住該膠囊酒店後，將銀包置於酒店內的儲物櫃並上鎖，但後來發現銀包不翼而飛，而裏面的10萬日圓（約$5000）現金、信用卡、銀行卡及身份證亦一併被偷走。

事主表示，儲物櫃外觀完整，鎖頭沒有損壞跡象，意味「賊人有鎖匙」，是直接開鎖取物，因此懷疑「酒店根本有份參與偷嘢」。與此同時，事主翻查該酒店的Google評論，發現酒店以往曾多次發生類似的盜竊事件，有大量旅客曾表示入住期間有財物失竊，惟酒店至今仍未加裝閉路電視（CCTV）保障住客安全，因而覺得「間酒店超級可疑」，並呼籲網民「千祈唔好住呢間呀！」

網民提醒：貴重物件跟身！

帖文引起網民熱議，有網民建議樓主報警，「拎封信claim保險都好」，而樓主則回覆指已經報警，「有報案編號，話搵到銀包會通知酒店，我心諗根本就係酒店有份偷，所以都預咗搵唔返」，惟沒有購買旅遊保險，不能索償；有網民建議樓主下次將貴重物件隨身攜帶，「去咗咁多個國家旅行，冇一次會信貴重嘢放locker，由細到大都係教貴重嘢跟身」、「銀包電話護照，我就算沖涼、痾夜尿都會跟身」、「旅行必備貼身腰包，尤其同人share房，例如住hostel嗰啲。」

有網民提醒，現時在日本入住膠囊酒店不如以往安全，「而家日本都唔住得膠囊喇，太多外地人來，雜咗好多，盡量搵啲有獨立房有門鎖感覺安全啲」、「獨遊開，就算幾窮遊都好，點都唔會住呢d膠囊酒店，老老實實商務酒店算數。」

圖片及資料來源：LIHKG

文：Y