$8999仿韓綜《單身即地獄》富國島交友團中伏!酒店污糟/牙煙浮潛 港女怒轟6宗罪 搞手戰狼上身反擊 僅賠$29.52

更新時間:11:30 2025-10-05 HKT
發佈時間:11:30 2025-10-05 HKT

早前有港人參加「盲盒旅行團」,因行程「貨不對辦」引起關注!近日,有香港女生參加完一個仿傚韓國戀綜《單身即地獄》的$8999富國島交友團後,就於社交平台上列出6宗罪怒轟此交友團體驗如「真係落地獄!」!

模擬《單身即地獄》$8999富國島交友團貨不對辦?港女怒轟行程6宗罪

日前有網民在社交平台Threads上分享,早前參加由一間配對公司舉辦的港版《單身即地獄》交友團的不快經歷。該名女事主表示,交友團是5日4夜的越南富國島團,一團合共有26人,由13男13女成團,行程包括有珍珠奇幻遊樂園、跨海纜車、日落沙灘等。

團費每位$8999,已包含除1餐夜市自由約會餐外的所有餐食、4晚包楝泳池Villa住宿、全程交通、景點門票、中文導遊、隨團攝影師等,但需自費機票。

事主表示,雖然知道$9000去富國島「係over price」,但主辦單位當初宣傳是表明「住得好、食得好、玩得好、安排周到」,考慮到搞手需兼顧「搞埋配對活動,俾錢人賺下都要」。怎料於行程期間發現無論是住宿、伙食、行程及活動都是「貨不對辦」,更怒斥酒店質素「衰過長洲度假屋」及「變左真係落地獄」。
 

事主怒數富國島交友團 6大伏位

1. 酒店污糟

交友團入住包幢Villa,事主發現酒店的被鋪及毛巾「都係有黃色污漬同有味」,期間更有團友「訓咗一晚係咁比嘢咬,好痕一粒粒咁」。加上Villa的浴室水壓非常低,全部團友均是「滴滴仔咁沖涼」,而且水質欠佳,「浴缸好多一撻撻漬,開咗好耐仲係黃色水」。有參加者更自備帶過濾功能的旅行花灑,怎料僅用了一次即變黃色,質疑酒店衛生問題。

2. 被迫同床

交友團宣傳單張列明是「男女分房/2人一室」,但事主一直以為會有兩張單人床,怎料到埗後才發現是一張床,要與「同性新朋友瞓同一張大床,仲要蓋同一張被? 大癲」。她指有團友曾反映過共用同一張被的問題,卻換來工作人員冷淡回覆。

3. 伙食未如人意

事主稱「主辦單位同參加者講會食好住好,除咗有管家,仲會有人喺Villa煮早餐畀大家食」,豈料行程期間每朝早餐只有「 凍晒又好辣嘅法包一嚿、hea爆公仔麵、純湯河粉,同一啲不知明既外賣」,更沒有理會於出發前已曾表明有食物過敏的團友要求。另外,晚餐提供之海鮮,則出現肉質變霉的情況,事主直言「冇餐食得飽,冇餐食得暖」。

4. 出海浮潛安全成疑

行程有包括出海浮潛活動,惟事主與幾位女團友不懂游泳,負責人僅叮囑她們要穿救生衣落水,期間卻「完全冇guide過我哋講點樣去浮潛」。加上浮潛裝備僅得一堆面罩、呼吸管及一堆不合尺寸的殘舊救生衣,令她全程非常害怕。

5. 行程安排失實

事主指出發前行程有包括乘坐獨木舟去遊覽三個島嶼、釣魚體驗、捉海膽、射魚,以及自費玩水底漫步、飛傘、香蕉船等,惟到達後主辦單位稱沒有獨木舟,「變咗上一隻漁船款遊船河」,而且所謂的「島」是個滿是垃圾及石頭的「荒島」,原先行程提供的自費項目亦全部欠奉。

6. 隨團攝影師態度欠佳

交友團團費包含一位隨團攝影師拍照服務,惟事主與其他團友均發現這位攝影師態度欠佳,「覺得好不被尊重」。如團友主動要求攝影師幫手影相,「攝影師扮聽唔到人哋講嘢,然後走咗去」;參加者如擺不到攝影師教的甫士,他又會「冇心機走咗去」。

主辦單位原承諾退款$2885 後僅賠$29.52

事主亦質疑交友團未有成功促進團友間的互動和仔細觀察參加者的需要,更懷疑主辦方安排了「做媒」團友滲入團中。她表示,由於上述種種的不愉快,行程期間有10人於day 3決定提早退團。她與幾位團友亦有向負責人投訴,並獲負責人「拍心口寫包單會退返最少$2885比離團投訴嘅團友」。豈料回港翌日,負責人竟反口稱由於未能兌現部份行程,「富國島旅行社公司」僅退款10萬越南盾中,即港幣$29.52的體驗費用。

搞手現身反擊事主︰輸打贏要

然而,在事主一連串的帖文發出後不久,舉辦交友團的配對公司「FD搭FD」同樣現身回應,並且拍片及發文回應事件。搞手解釋是次交友團重點是「想識另一半」,又強調全團26人均是自費的真實參加者,當中沒有做媒。

搞手又指,事主如果純粹想去富國島旅行,「絕對有更多嘅選擇」,並指「明顯男參加者有自己嘅審美同偏好,局面一定係有人歡喜有人愁」,質疑事主不斷挑剔行程及要求退款,是「輸打贏要」,更揶揄團中「的確有幾位女團友相對吸引,出現蜜蜂嬲蜜糖嘅情況」,有團友之所以體驗36小時後便退團,是「因為設施有得換,但團友無得換,唔通話『match唔到人所以要走』咩」。

網民直斥辦方責無旁貸︰公關災難

帖文一出,引來大批網民熱烈討論,有人認為酒店出問題,搞手是責無旁貸,不應以「一句輸打贏要就諗住撇清關係」,並人身攻擊報團客人的外表;亦有網民斥主辦單位收得錢搞單身團,雖然是與旅行社合作,但亦有責任處理參加者的問題,「而唔係一味推卸責任俾旅行社果邊」,甚至有人稱「常理都知同陌生人,一見冇可能同一床瞓吧」,認為是次事件絕對是一場「公關災難」。

資料來源︰Threads

延伸閱讀︰$15,000盲盒旅行團中伏!港女力數3宗罪 怒轟酒店貨不對辦/特種兵行程 團友留言:喺車瞓嘅時間多過酒店