晨光追擊│「心雄雄」氣宇軒昂
更新時間：15:00 2026-08-21 HKT
發佈時間：15:00 2026-08-21 HKT
發佈時間：15:00 2026-08-21 HKT
字體大小
今朝晨課相當熱鬧，除了不少馬匹出跳，更進行季內首次沙田試閘 ，總共有四組舉行。
「心雄雄」戴頭罩由潘頓跳一段，走勢順暢氣宇軒昂，馬身唔瘦扎實，落腳輕快彈力充足。「凌登」助手跳兩段，馬身靚呈現線條美，神態活躍有朝氣，最重要夠放鬆汗濕唔多。
「小魔怪」戴頭罩由助手跳兩段，跳來似模似樣，身輕步挺有活力，而且對比過往規矩好多。「你知我寶」袁幸堯拍「樂勝天下」助手跳兩段，前駒戴頭罩，走勢硬淨勁度不弱，四蹄盡展彈力十足，進度愈來愈好，後駒說不上弗，不過高班馬跳來係威係勢，不肯落後展現鬥心，出腳既輕又夠爽勁。
「金滙千帥」黃寶妮跳兩段，外觀做得唔錯，身壯毛色悅目，力度亦一課比一課好。「萬里雲」潘明輝跳兩段，腳法唔靚，不過跳來頗有勁度，神采奕奕暗火湧現，觀感不俗。
「金珀尖子」田泰安拍「準希望」助手跳一段，同樣戴頭罩，前駒跑姿仍帶點生硬，外觀也不太吸引，然而款頭十足，應有一番美好前景，後駒扣住順走夠規矩，並再冇岳頭岳腦，充滿朝氣身又夠壯。
開心勇駒展現活力
「開心勇駒」試來輕描淡寫，，馬身相當實淨。
「榮利雙收」戴頭罩由艾道拿跳一段，按住走得唔快，姿態好輕鬆，身札扎實毛色靚，力度亦唔錯。「開心勇駒」戴頭罩由助手跳兩段，沿中檔順走，試來輕描淡寫，展現活力，馬身相當實淨。
「花果猴王」副練拍「堅闖」副練泥閘跳一段，前駒戴頭罩，起步順暢，之後愈走愈起勁，毛色又靚金光閃閃，已有九分勇態，後駒戴眼罩，同樣跳得好，出閘反應好，往後拍住走步闊力勁，抖夠後馬身飽滿，重拾勇態。
兆文
最Hit
馬場浮世繪｜巴西騎師韓偉傑墮馬身亡 終年二十七歲
2026-08-20 14:32 HKT
凌晨帶BB入住深圳酒店拒做一事被下逐客令！ 港客公審前台不近人情唔通融 網民反指：好正常
2026-08-20 12:35 HKT