晨光追擊│「星月飛雲」精神爽利

更新時間：00:34 2026-08-21 HKT
發佈時間：00:34 2026-08-21 HKT

昨朝並非太多馬出跳，加上多位本地騎師上了從化試閘，場面顯得較為冷清。
「奇異果」戴頭罩由田泰安跳兩段，精神飽滿出腳順滑利落，馬身收壯唔肥，若然可再收斂更醒神。
「舞林盛宴」戴頭罩由助手跳兩段，聚精會神唔急唔搶，末段加速反應亦好，步挺爽勁力度充裕。
「價值傳承」戴頭罩由潘頓跳兩段，動作瀟灑，展步利落神態暢旺，毛色又夠油潤，予人極佳觀感。
「共創歡欣」戴頭罩由艾道拿跳一段，主動肯走但唔算心急，情緒不斷改善，馬身夠實淨展現線條美。
「實力加」奧爾民跳兩段，戴鼻箍，慣例少許岳頭，好主動火氣好夠墜手，外觀四正身壯色潤。
「星月飛雲」助手跳兩段，步幅開得好闊又夠急勁，試來精神爽利，展現朝氣觀感好。
「俏眼光」戴頭罩由助手跳兩段，健步如飛走勢爽勁，馬身壯肌肉起展，但毛色仲可以再靚啲。
「君達得」拍「友得盈」跳兩段，同樣助手，前駒戴眼罩及頭罩，急口馬小心控制，步挺有力神采奕奕，馬身飽滿好壯健；後駒同樣試得好，過步暢順且有火有力，雙目炯炯有神好醒目。
「好實力」戴頭罩由副練跳兩段，晨課一向內斂，拉士稍作推騎肯走，步挺有力身壯結實。
「幸運愉快」戴頭罩由助手跳兩段，按住輕鬆走過，力度好夠，毛色悅目立立靚，態況已有八、九分勇。
「悠然常勝」戴頭罩由助手跳一段，上了口畀佢走，跳到廿二秒九快時間，衝刺凌厲火力極佳。
「新力飆」戴頭罩由金誠剛跳三段，逐步加速反應不俗，愈見收放自如，馬身又靚夠壯夠飽滿。