沙田早晨│安仔開工主試三駒
更新時間：15:30 2026-08-18 HKT
發佈時間：15:30 2026-08-18 HKT
發佈時間：15:30 2026-08-18 HKT
字體大小
距離開季日子愈來愈近，今朝又多兩位騎師復課，先講田泰安，六點正現身的他，與桂福特在馬房門口密斟一輪，便替「堅先生」大圈出試，緊接再過檔希廄「閃電武士」及「金珀尖子」，全朝操了三駒，之後到烽火台搵練馬師打招呼，包括蘇偉賢、葉楚航、告東尼等。
阿民復課試賀廄馬
今朝奧爾民復課一共操了四匹馬。
另一位復課騎師是奧爾民，今朝操了四匹馬，早於五點十五分，率先過檔廖康銘馬房的新馬「金錢遊戲」，接著替賀賢馬房一口氣操三駒，包括「久久為昇」、「順成之星」及「哥得寶」，全部在大跑道快跳，佢同賀、廖廄在上季合作成績不俗，預期今季繼續攜手攻堅。
騎者表示提早回防，係想喼番弗啲身形，畢竟放假咁耐心廣體胖，距離開鑼日還有3星期，到時將可以最佳狀態上陣。
