沙田早晨│「伶俐驫駒」安仔笑騎騎
更新時間：01:45 2026-05-28 HKT
發佈時間：01:45 2026-05-28 HKT
發佈時間：01:45 2026-05-28 HKT
字體大小
今季開倉的南非練馬師桂福特，初期真係可以用兵微將寡來形容，但佢都算迅速打響名堂，唔少原本毫無表現的賽駒，加盟桂廄後都有脫胎換骨演出，表表者首推「伶俐驫駒」，周日改攻田草抖夠操足值得追捧，睇埋昨朝出跳後鞍上人田泰安笑容滿面，捧場倍添信心。
共建世界潘頓再考驗
昨朝潘頓再一次出試「共建世界」，仲要課前課後都同桂福特傾談，動態積極。
講開桂廄馬，亦要留意「共建世界」，周日初試啼聲出戰新馬賽田草千二，係龍係蟲當然要跑過至知，不過吸引到潘頓注視，最近一課大閘更親自操刀，冠軍騎師有啟示必要留意，至於昨朝試跑亦充滿睇頭，不只潘頓再一次出試，仲要課前課後都同桂福特傾談，動態積極。
