內圈捕影│「翠紅」勇況十足
更新時間：14:21 2026-01-12 HKT
發佈時間：14:21 2026-01-12 HKT
發佈時間：14:21 2026-01-12 HKT
字體大小
由於大多周三戰駒都做最後試跑，故今朝到內圈出試不太多。
「美麗同享」副練踱兩圈，步姿爽朗彈力亦足，毛色油潤好悅目，馬身實淨唔瘦，老當益壯仍惹好感。「翠紅」助手踱兩圈，試來精神爽利，步順輕快又有彈力，馬身壯健毛色又靚，朝氣勃勃勇況十足。
「加州本事」助手踱一圈，唔急唔搶氣定神閒，馬身好實淨，暗火展現雙目有神，持續見好體力未減。「超加加」助手踱兩圈，豎起雙耳目光銳利，神生步爽充滿朝氣，外覯省鏡身壯色潤，確認重踏正軌。
花好月盈步順爽勁
「花好月盈」火力保持旺盛，仍在最佳水平。
「寶成智好」助手踱兩圈，快慢由人試得乖巧，走勢硬朗步挺開揚，馬身結實神態活潑，正值勇境。「花好月盈」助手踱一圈，輕鬆完成步順爽勁，馬身仍壯毛色潤澤，火力保持旺盛，仍在最佳水平。
「都靈勇士」助手踱一圈，步伐穩健力度唔錯，馬身一直做得好靚，神色活躍暗火展現，老而彌堅。「康昌之星」助手踱兩圈，大大步走過，步挺爽勁又有彈力，雙目有神馬身好壯，神采奕奕佳態洋溢。
「快樂寶寶」助手踱兩圈，神態極之活潑，試來活力充沛，馬身收得更靚更結實，極具朝氣勇況已備。「大千氣象」助手踱兩圈，小心翼翼按實，馬身茁壯毛水潤澤，落腳穩勁力不俗，神態回旺復現朝氣。
謝鋒
最Hit
移英5年 活著很累 中產收入變月薪不足2萬元 港人後悔：回頭已是百年身｜Juicy叮
2026-01-11 13:15 HKT
電費資助2026｜政府/中電/港燈17大電費補貼計劃！電費4折/派$300消費券/免費換家電 長者基層都有份
2026-01-11 13:15 HKT
