「風采人生」(圖) 近來早課淡淡定充滿朝氣，馬身好靚步輕爽，神態活潑力充足，開氣上力勇況已備。

內圈捕影│「風采人生」勇況已備

更新時間：18:21 2025-10-09 HKT
發佈時間：18:21 2025-10-09 HKT

由於大多周日戰駒都做最後試跑，故今朝到內圈出試不太多。

「好友心得」助手踱兩圈，步伐穩健力度充沛，馬身依舊咁靚，毛色油潤有光澤，持續態勇神態軒昂。
「金金小子」副練踱一圈，輕描淡寫完成，步履輕盈又爽勁，大半程岳高頭走，充滿朝氣精神爽利。
「風采人生」黃智弘踱兩圈，淡淡定充滿朝氣，馬身好靚步輕爽，神態活潑力充足，開氣上力勇況已備。
「比特星」助手踱一圈，步姿爽朗彈力亦足，毛色油潤好悅目，馬身比前粗壯好多，轉倉操足好吸引。
「星運少爵」黃智弘踱兩圈，大大步走過，步挺爽勁貫注力強，目光銳利火氣未減半分，佳態保持有餘。
「本領輝煌」助手踱兩圈，唔急唔搶氣定神閒，馬身好實淨，暗火展現雙目有神，朝氣勃勃觀感勝前。
「賢心星」助手踱兩圈，豎起雙耳目光銳利，馬身實淨充滿朝氣，出腳力度亦足，比前更醒正值勇境。
「長勝威龍」助手踱兩圈，快慢由人試得乖巧，走勢硬朗步挺開揚，馬身結實神態對辦，進度轉好。
「富存寶馬」助手踱兩圈，淡淡定走過不慌不忙，馬身已做得好靚，身壯毛色油潤，早前試閘進步好多。
「智勝攻略」助手踱兩圈，小心翼翼按實，馬身茁壯毛水潤澤，落腳穩勁力度不俗，單講狀態相當四正。

謝鋒

↓立即下載星島頭條App↓