晨光追擊│「拉合爾」威風凜凜
更新時間：16:19 2025-09-22 HKT
發佈時間：16:19 2025-09-22 HKT
發佈時間：16:19 2025-09-22 HKT
字體大小
今朝出跳馬多得誇張，包括多匹未來兩周出戰之馬，勇馬比比皆是，予人目不暇給的感覺。
「活力精神」戴頭罩由巴度跳兩段，尚有生硬感覺，然而力度增強，毛色有光澤。「嘉應威風」戴頭罩由艾道拿跳兩段，撲到去神態生猛，火氣顯著提升，馬身實淨。
「拉合爾」潘頓跳兩段，唔急唔搶氣宇軒昂，走勢俐落有力威風凜凜。「龍之輝」戴頭罩由助手跳兩段，一貫起勁主動肯走，外觀無問題身壯色潤。
「渡月橋」戴頭罩由助手跳三段，聚精會神快慢由人，步既闊又俐落極之出色。「揀得準」戴頭罩由助手跳兩段，豎尾並岳頭，然而頗起勁，力度比前更好。
「有心意」戴頭罩由助手跳兩段，腳法唔好睇，勁度亦普通，非最佳時。「包裝戰將」戴頭罩由潘頓跳兩段，愈來愈乖巧，跑姿甚順暢，操足好醒神。
天天耍樂神態活躍
「天天耍樂」運步如輪充滿勁度，近況相當好。
「天將龍駒」戴頭罩由巫顯東跳兩段，一貫有少少急口，上力唔錯，身壯毛色靚。「天天耍樂」戴頭罩由助手跳兩段，運步如輪充滿勁度，神態活躍，近況相當好。
「帥帥友福」戴頭罩由副練跳兩段，畀佢走反應唔錯，力度好過之前，觀感尚可。「手機錶霸」戴頭罩由何澤堯跳兩段，向來賣力火猛搶走，暗力拉實步勁身飽滿。
「君子傳承」鍾易禮跳兩段，長途馬畀兩步唔介意，最重要畀落肯走步開揚。「多彩多姿」戴眼罩由黃寶妮跳兩段，急口馬試得規矩，出腳又整齊，予人好感。
「包裝天將」戴頭罩由艾道拿草地跳兩段，灑開大步衝刺有火有力，馬身又靚上佳水準。「當家精神」拍「韋金主」草地跳兩段，同樣助手，前駒戴頭罩，拍住走神態活躍，身色都對辦，論態好四正，後駒跑姿無咁生硬，有點進展。
兆文
最Hit
颱風樺加沙｜貼窗防風「搶膠紙潮」湧現 港女直擊空貨架：有啲地方賣晒啦！天文台教路咁貼最適合｜Juicy叮
2025-09-21 13:27 HKT
旺角茶餐廳新規矩！遊客落單要先畀錢後送餐 熟客呻無人情味 老闆1原因喊冤......
2025-09-21 07:30 HKT