旺角茶餐廳新規矩！遊客落單要先畀錢後送餐熟客呻無人情味老闆1原因喊冤......

更新時間：07:30 2025-09-21 HKT
發佈時間：07:30 2025-09-21 HKT

在香港的茶餐廳及冰室文化中，食客一般都是在用餐後才到收銀處結賬，這份默契是本地人情味的一種體現。然而，旺角老字號「金華冰廳」近日卻因一項針對遊客的付款新規定，與一名光顧近五十年的熟客發生爭執，令事主大感心淡，上網大呻「唔少你唔安樂」。

半世紀老字號茶記新規定遊客落單要先付費

「金華冰廳」位於太子弼街，開業半世紀屹立不倒，現已傳至第二代。一名自稱是「金華冰廳」多年熟客的網民，在社交平台Facebook群組「香港茶餐廳及美食關注組」發文，指自己光顧該店近五十年，由兒時光顧至今，充滿感情，但近日的經歷卻令她非常不愉快。

根據事主的描述，她當天在店內用餐時，與一對新加坡遊客「搭枱」同坐。她出於好意，以英語向遊客介紹金華的食物。之後有侍應幫遊客下單，並隨即要求他們付費，事主就跟遊客說「呢度係食完先俾嘅」，卻反被侍應及收銀員指責「多X餘，阻X住晒做嘢」。

熟客質疑規定被罵？發文大呻「好傷心」

事主憶述，自己作為熟客「食嘅係人情味」，卻被惡劣態度對待，令她非常難受，更強調：「我對金華嘅情懷，並唔係咁簡單，佢哋曾經搶救過我爸爸，你覺得我有必要去唱衰佢咩？」她不解為何自己只是好心幫助遊客，卻換來侍應的粗口對待：「係佢大聲用粗口鬧我…點解我要俾你鬧？」事主指經過此事，她以後都不會再去光顧：「好傷心要同陳生陳太（金華冰廳老闆）告別，你哋間茶餐廳，比呢啲員工搞成咁」。

事件引起網民兩極化的討論。部分網民同情事主，認為「有人情味既只有上一代，新一代或新老闆，未必睇得咁重」，批評侍應態度惡劣，「話晒做服務業，點解可以大大聲咁樣X啲客？」；但亦有許多網民認為餐廳做法合理，指出近年不少遊客用餐後無法付款，「我明白餐廳做法，這幾年小紅書名店，經常出現只有rmb、支付寶的高質旅客，食完無錢俾」。更有人認為事主「多事」，「一個好耐無去的食客當面質疑餐廳員工做法唔啱規矩，實屬不應該。」

老闆回應喊冤：我都好慘

就此事件，《星島頭條》聯絡了「金華冰廳」的第二代負責人陳先生。他解釋，要求遊客先付款的規定已實行約兩個月，原因是近來多次發生遊客「身上只有信用卡」而無法結賬的情況，「個客要坐係度搵人幫手，坐成個鐘先搵到人黎畀錢，咁即係公司蝕畀人，呢啲情況好尷尬囉」。

對於被批評有侍應罵客以及沒有人情味，陳先生強調「侍應鬧就應該唔會鬧」，「有時香港人好多意見，但當刻不明白情況。侍應應該只係無奈，佢都要守公司規矩。」他表示，收費後才送餐點的政策，其實都是為遊客著想，「唔想到最後個客尷尬，廿幾人望住佢無錢畀，佢又慘我又慘」。他亦補充，店舖正與時並進，除了現金和八達通，亦已接受支付寶，並將於下月增設信用卡支付。

圖片及資料來源：小紅書、香港茶餐廳及美食關注組