晨光追擊│「午夜快車」煥然一新
更新時間：00:02 2025-09-12 HKT
發佈時間：00:02 2025-09-12 HKT
發佈時間：00:02 2025-09-12 HKT
字體大小
一如平日的周四晨課，昨朝出跳馬相當踴躍，當中不乏周日參戰分子及勇馬，現將報道過程如下。
「渾身解數」戴頭罩由田泰安跳一段，末段愈走愈勁快慢由人，馬身實淨保持進度。
「一世美麗」拍「大利好運」跳兩段，同樣助手，前駒戴頭罩，一直領先半個馬位，未夠放鬆出腳又高，後駒戴眼罩及頭罩，神態活躍火力好，馬身則有少少肥。
「品德寶寶」戴頭罩由霍宏聲跳兩段，肉身馬夠輕身，出步短促但有彈力，觀感不差。
「友瑩仁」戴頭罩由助手跳兩段，唔再心急唔再搶口，尚要展現朝氣重新振作。
「熊噹噹」助手跳一段，大舊飯向來少少論盡，神態可以力度唔錯。
「凱旋幸運」黃寶妮跳兩段，輕描淡寫完成，走勢硬朗勁度夠，神色亦對辦。
「久久為軍」戴頭罩由鍾易禮跳兩段，神情專注走勢爽勁，身壯毛色靚已在勇境。
「熾烈神駒」潘頓拍「開心老友」奧爾民跳兩段，前駒戴頭罩，沿途領先有火有力，馬身好靚，去番最佳水準，後駒戴面箍，出步甚高試得牽強，未見進展。
「午夜快車」戴頭罩由艾道拿跳一段，神情專注表現對辦，身靚步開揚，有煥然一新之感。
「醒目先駒」助手跳一段，昂首闊步神氣十足，馬身做得好靚，更勝贏馬時。
「幸運愉快」蔡明紹拍「博愛先鋒」助手跳兩段，同樣戴頭罩，前駒拍住走唔急唔搶，步伐整齊有彈力，進度出色，後駒單薄馬身夠壯，走勢硬朗力唔錯，饒具朝氣。
「太勝駒」奧爾民跳兩段，戴頭罩及鼻箍，姿態輕鬆用力唔多，身壯有條線美，有進步。
「新力驕」戴頭罩由艾兆禮跳一段，神色不差，外觀亦做得唔錯，步挺力足甚有好感。
最Hit
