晨光追擊│「川河帥駒」從容不迫
更新時間：15:10 2025-08-25 HKT
發佈時間：15:10 2025-08-25 HKT
發佈時間：15:10 2025-08-25 HKT
字體大小
雖然多位騎師北上從化試閘，但今朝仍不乏精彩鏡頭，其中何澤堯積極操馬更是焦點，現將操練報導過程如下。
「新強福盈」潘頓拍「枕頭之星」助手草閘跳兩段，前駒早段一度失蹄以致落後，幸好無影響而且越衝越勁，試得好，後駒平淡走過，力水仲係好一般。「川河帥駒」何澤堯草閘跳兩段，戴頭罩，從容不迫走過，出腳彈力夠，轉方廄後越操越靚。
「朗日雪峰」何澤堯拍「飛騰騅」助手跳三段，前駒一直落後但試得唔差，大馬夠輕身，步挺力充裕，後駒戴頭罩，勤力馬搶走神態活躍，充滿朝氣有火有力。「奮鬥心」戴頭罩由助手跳兩段，按住順走姿態輕鬆，細馬身夠實淨，神態亦理想。
金駿星躍躍欲試
「金駿星」目光極之銳利，近況相當出色。
「金駿星」助手跳兩段，主動搶走躍躍欲試，目光極之銳利，近況相當出色。「康樂高球」戴頭罩由助手跳兩段，晨課一向懶懶哋，要畀先肯走，身色同樣企理。
「展雄威」戴頭罩由希威森跳兩段，扣住走有啲脾氣，汗濕稍多，然而毛色悅目好睇。「包裝創新」戴頭罩由助手跳兩段，馬身肥肥哋，頂多七八成馬，吸引在唔駛再用馬定基。
「大千氣象」何澤堯拍「飛雲」助手跳三段，同樣戴頭罩，前駒一直落後一個馬位，有點牽強且一直唔轉腳，外觀則幾靚，後駒全程佔取上風，末段再畀多兩步反應更好。「安遇」戴頭罩由副練跳兩段，外觀好睇之餘，更墜手有番活躍感，有起色。
「騰龍四海」戴頭罩由潘頓跳兩段，神閒氣定輕鬆完成，出腳爽朗有力，馬身夠結實。「囍眼光」戴頭罩由希威森跳兩段，急口馬今季大有改變，今課同樣高來快慢由人，有進步。
兆文
