42歲曾偷食男星受單親媽啟發 誓改善家人關係：嬲只係太得閒 曾傳婚變同老婆分房瞓一年
發佈時間：23:00 2025-08-25 HKT
吳浩康（Deep）曾因出軌及藏毒被觀眾唾棄，跟老婆郭思琳亦曾傳出婚變並分房瞓一年，將本來前途無限歌唱事業親手摧毀，演藝夢碎的吳浩康與郭思琳結婚後決心改過，轉行做地盤搭架工人，為養家日曬雨淋亦全無怨言，結果在去年年底榮升棚架工程公司老闆，成功洗底並被網民稱為「真漢子」。
「真漢子」吳浩康事業逐漸有起色
「真漢子」吳浩康的歌唱事業逐漸有起色，除了曾舉行音樂會外，早前以歌手身份到非洲烏干達五天進行探訪，對於近年得到大家的欣賞與嘉許，吳浩康坦言受之有愧：「我只係個普通中年男人，一班地鐵有好多嗰種，嘉許我，我好多謝、好開心，但其實有太多人同我一樣，甚至做得比我更好。」
相關閱讀：吳浩康教會見證分享 以為「一世都冇尊重」永不翻身 老婆終欣賞自己：成個世界唔同咗
吳浩康受為單親媽媽Rose故事啟發
吳浩康早前與音樂人兼好兄弟陳思捷（Cedric）隨宣明會到非洲烏干達五天探訪交流，期間因為單親媽媽Rose照顧寄養小朋友的故事，令吳浩康有所啟發並重新思考與家人的關係：「一個女性帶住十個小朋友，四個係親生，其他係親戚同寄養，當中更有三個存有殘障嘅問題。我諗唔少都市人都經歷過婚姻問題，已經好困擾、好傷，Rose結婚之後，因自己嘅國家有動盪，要走難、面對生死，諗住去新嘅地方開始新生活，又因為生咗有殘疾嘅細路仔，老公好嫌棄佢，覺得佢有罪，於是離開佢。但係佢冇嫌棄其他人，自己都未餵得飽，仲要餵10個細路仔，嗰個愛好大。」 吳浩康續說：「見到佢哋走難，啲大人帶住十幾個細路，有啲係侄仔、外甥，或者阿嫂跟住大哥一齊走，我都會反省，係咪真係要到咁危急，先可以放低自己嘅想法，同屋企人相處？有危難嘅時候，可能最會幫你嘅，就係平日同你鬧交嗰個兄弟姊妹，如果係咁，喺平安嘅時候，又何必太挑剔對方？有時嬲，係因為我哋太得閒，真係會咁，不如多啲包容。」
吳浩康不想標籤拒評價自己
吳浩康有感而發地說：「佢哋做錯啲咩？佢哋做啱晒都冇用，冇得揀幾時、點樣發生，就係發生咗。 我對自己想做嘅嘢，其實冇咩信心同把握，係一股傻勁去做，做到有成果為止，喺我個世界一直冇舒適圈呢回事，因為做咩都唔舒服，行嗰陣都會懷疑自己。佢哋畀我好大力量，『希望』係同環境冇關， 『希望』係關自己個心事，唔係要有證據先有希望，係有希望先會發現曙光。」吳浩康被問當下會如何評價自己？他坦言不想標籤自己：「任何好壞都只係局限自己，總之當刻對我有意義嘅事就去做，就算未必做到心裏面想嘅，會唔會唔開心？唔會，因為我知道始終有日會做到。」 他又指近年得到大家的欣賞與嘉許，其實是受之有愧：「我只係個普通中年男人，一班地鐵有好多嗰種，嘉許我，我好多謝、好開心。但係實在有太多人同我一樣，甚至做得比我更好。我個仔今年九月先三歲，好多人已經養到仔女長大成人，嗰啲係咪更值得欣賞？大家用睇我嘅角度睇吓你老公，就會發現佢比呢個所謂真漢子做得多十倍，但係講（表達欣賞）少一百倍。」
相關閱讀：吳浩康做地盤工一年公布好消息！榮升搭架公司老闆 與「棚架界林峯」拍住上
