內圈捕影│「電訊驕陽」譽滿欄邊
更新時間：16:00 2025-08-20 HKT
發佈時間：16:00 2025-08-20 HKT
發佈時間：16:00 2025-08-20 HKT
字體大小
不少馬匹今朝到內圈出試，場面尚算熱鬧，當中不乏精彩鏡頭。
「巴基之勝」助手踱一圈，淡淡定有朝氣，走勢硬朗步挺力足，馬身結實毛色悅目，狀態起得理想。「電訊驕陽」助手踱一圈，試來精神爽利，步順輕巧神態暢旺，暗火展現外觀又靚，走勢譽滿欄邊。
「河好運」副練踱一圈，豎起雙耳目光銳利，神生步爽充滿朝氣，馬身結實毛色悅目，近況極佳。 「一生好彩」助手踱一圈，步伐穩健力度足夠，神態專注目光集中，馬身結實外觀對辦，觀感唔差。
合夥飛馳上佳水準
「合夥飛馳」步順輕快有彈力，馬身實淨駟正。
「合夥飛馳」助手踱一圈，擔高頭走好神氣，步順輕快有彈力，馬身實淨駟正，一操即起上佳水準。「錶之多多」助手踱一圈，神態甚輕鬆，落腳富彈力，肌肉結實展現線條美，早前拍跳亦有好表現。
「朗日雪峰」助手踱兩圈，運步如輪神采奕奕，力度充足毛色油潤，馬身壯碩，高頭大馬一直吸引。「特別美麗」助手踱一圈，快慢由人試得乖巧，馬身收得結實，神采奕奕充滿朝氣，毛色好睇烏卒卒。
「運來勇士」助手踱一圈，無時無刻想搶住走，心火旺盛但無汗濕，馬身飽滿好睇，轉倉適應唔錯。「喜蓮勇略」巫顯東踱一圈，小心按實順走，唔急唔搶情緒大有改善，外觀靚身色俱吸引，出腳又爽。
謝鋒
最Hit
