內圈捕影│「五福星」暗火湧現
更新時間：15:15 2025-07-04 HKT
發佈時間：15:15 2025-07-04 HKT
發佈時間：15:15 2025-07-04 HKT
字體大小
大多參戰馬今朝都到內圈出試，場面熱鬧，甚多精彩鏡頭。
「過關勇士」助手踱一圈，愈見收斂，試來神閒氣定，跑姿順暢落腳輕巧，馬身亦收得壯，進度出色。「五福星」助手踱一圈，運步如輪神采奕奕，力度充足暗火湧現，馬身壯毛色靚，充滿朝氣佳態洋溢。
「怡勁力」助手踱一圈，步挺開揚又有彈力，身壯健毛色有光澤，火氣亦唔錯，神采奕奕上佳水準。「富裕君子」助手踱兩圈，試來從容淡定，雙目有神氣宇軒昂，馬身實淨毛色亮麗，狀態極之吸引。
多彩多姿神態活躍
「多彩多姿」有火有力朝氣勃勃，今季最弗一次。
「勁者」助手踱一圈，慣例豎住尾走，情緒安穩好專注，目光銳利精神奕奕，馬身實淨唔瘦，觀感好。「多彩多姿」助手踱一圈，走勢硬朗神態活躍，有火有力朝氣勃勃，馬到壯到不得了，今季最弗一次。
「海藍寶」助手踱一圈，神情專注目光如炬，身靚全身都係肌肉，神采飛揚火氣旺盛，勇況未見低落。「錶之星球」助手踱一圈，不斷轉好汗濕唔多，馬身做得好靚，毛色油潤有光澤，持續進步予人好感。
「天星」助手踱一圈，試來相當放鬆，情緒比前再改善，神情專注氣宇軒昂，馬身又靚，相當省鏡。「龍之輝」助手踱一圈，急口馬一貫捉到實，神態活潑活力充沛，身靚皮光玉滑，有進無退體力充裕。
謝鋒
最Hit
96歲「美艷親王」羅艷卿現身壽宴 巨型鑲鑽翡翠套裝雍容華貴 曾揭「慳出一條街」致富之道
2026-04-29 14:30 HKT
京東MALL香港首店插旗灣仔！佔地約3萬呎 門市睇完實物再落單 官方：即場試清楚先買
2026-04-29 15:35 HKT
星島申訴王| 70後中女高調曬約會豪食$3200大餐 「埋單俠」現身回應 結局大逆轉
2026-04-29 16:55 HKT