晨光追擊│「川河首駒」乘勝追擊
更新時間：15:00 2025-06-24 HKT
發佈時間：15:00 2025-06-24 HKT
發佈時間：15:00 2025-06-24 HKT
字體大小
連同今次賽事，今季只剩低三次谷戰，不少喜愛谷草出擊的練馬師必全力盡拼，好似韋達取得二十五W，多達二十場在谷草取得，而方嘉柏目前在谷草贏二十五場不止傲視同儕，對上三戰更次次起孖。
川河首駒再戰同程
「川河首駒」上仗跑出一分三十九秒二七，比起同晚三班頭馬「時時精準」仲快。
第七場第四班一六五○米：「川河首駒」今季初在四班此程大後上贏馬，之後整整十連敗，然而不停轉路程落敗，根本是掩眼法。事實上，此駒今季在143場贏馬升三班後，隔三仗再回師勝程落敗，之後又隔兩仗到553場次，待可降回四班才換布文一試，可是追勢只係一般，於是又轉程跑了三仗多減九分，直到前仗回師勝程終於出擊，若非起步碰撞失機，以致沿途處於包尾，戰果可能已改寫。上仗「川河首駒」相隔七日又跑過，亦是踏入二五年第一次打疊出戰同程，最終順利補中，而且跑出一分三十九秒二七，比起同晚三班頭馬「時時精準」仲快。
「川河首駒」首次贏馬評六十九及兩次五十八分，現時五十九分依然有賺，唔變陣繼續跑最強路程，擺明要乘勝追擊。
騰龍四海不斷進步
「騰龍四海」對上四戰贏了三次。
第九場第三班一二○○米：「騰龍四海」今季首兩戰爭千四都上名，之後一度扳上千六效果一般，跟手跑番千四兩戰又輸，於是改向短途一試，果然338場在田草千二打開勝門，就算打後兩戰未能再贏，該兩仗排外檔入位雖敗不辱。
文家良近年成績優異，主要原因肯改肯變，正如「騰龍四海」原本跑中距離，變陣改攻短途取得突破，到跑田草滑了啞，去到三月份又再變安排改攻谷草，效果如何有目共睹，對上四戰贏了三次。睇番「騰龍四海」上仗首度於三班建功，締速快至一分九秒一四，亦是今季同程第六快時間，足見不斷進步，睇埋潘頓揀騎，推庄上仗大勝的「風雲武士」，可放心追捧。
兆文
