周潤發藝訓班同學係元朗地主！由農地變貨倉生活富泰 撞樣潘迪華高貴優雅曾舉行個人演唱會
發佈時間：09:00 2025-06-25 HKT
由周潤發、金興賢及林德祿等人創立的藝進同學會在1988年成立，希望將TVB藝訓班畢業同學聯繫起來，近期藝進同學會進駐小紅書，找來不少已淡出幕前多年的同學現身，掀起了不少回憶殺。
周潤發同期同班戚愛蓉大有來頭
日前伍潤泉和甄懋强找來戚愛蓉罕現身，現年68歲的戚愛蓉原來大有來頭，她不單是周潤發的同期同班，在60年前曾橫掃多個音樂比賽獎項，輕易駕馭超高音域，唱歌時更是相當從容淡定有貴氣，在2022年更曾參加《中年好聲音》，當時被譽為「靚聲王」。
相關閱讀：周潤發藝訓班畢業證書相首曝光 劉嘉玲入行關「五虎」事
戚愛蓉外貌依然一貫優雅高貴
戚愛蓉在65歲的時候參加《中年好聲音》，當時她坦言自己依然有團火：「我由細到大都鍾意唱歌，跟住啲朋友都鼓勵我叫我試吓起碼知道自己去到邊。」事隔多年戚愛蓉再度現身，外貌依然一貫優雅高貴，日前伍潤泉和甄懋强為藝進同學會訪問戚愛蓉，原來早已轉型做歌唱老師差不多有6年的時間，戚愛蓉在訪問說：「其實我不嬲都鍾意唱歌，我考訓練班嗰陣唱歌嗰part都好高分。後來喺疫情嗰陣冇乜嘢做，咁啱婦女會啲人叫我吓啲同學仔唱歌，本來我都有啲驚，唔知自己得唔得，點知喺教嘅過程，發覺自己嘅擔心有啲過份咗，其實我都可以應付。」
戚愛蓉現居地非常大
戚愛蓉現居地非常大，由多間單層單位組成，原來早年是豬場，不過當戚愛蓉認識了老公而有轉變：「嗰陣老爺話有一塊地，叫我哋諗下有乜嘢可以做，我仲話呢度咁鄉下，有乜嘢可以做都係養豬，點知我老爺真係養豬，將我老公賣豬仔咁入咗嚟，結果一住就住咗40幾年。呢個地方對我老公最有感情，由一塊農地變咗做豬場，而家做咗貨倉，連音樂室都放埋喺呢店度。 」戚愛蓉目前有超過80個學生，最年長的已經有96歲，最小的有4、5歲：「我自己都冇諗過，唱歌係我嘅最愛，只係遺憾過冇機會做戲，希望將來呢個機會。」戚愛蓉去年舉行了首個音樂會，亦會參加了不少慈善活動。
相關閱讀：《中年好聲音》導師晒與男星合照掀回憶殺！曾是梅艷芳敗將 一曲爆紅後一度淡出結婚
周潤發梁朝偉世紀同框掀回憶殺：
戚愛蓉退休生活好充實
戚愛蓉在65歲的時候參加《中年好聲音》並進入了100強，戚愛蓉說：「我自己都冇諗過，不過嗰陣都唔係好緊張，因為我唔知道原來有直播，只係以為得兩個評判，到比賽完，好多朋友打畀我，話喺YouTube見到先知。」戚愛蓉被問與考訓練班心情又有否不同？她笑說：「有呀，入海選嘅時候真係唔緊張，仲好輕鬆去唱，但係訓練班係好多人。,一路排住隊，跟住稿輪住讀，嗰陣又要留意前面個同學仔，要睇吓佢讀到邊，所以要揸住稿不停睇。」至於未來發展，戚愛蓉坦言未有計劃：「好似我哋啲退休生活，好開心有一個自己興趣，同埋一班同學仔一齊玩，生活真係好充實。」
