內圈捕影│「彩虹七色」相當醒神
更新時間：14:15 2025-06-13 HKT
發佈時間：15:15 2025-06-13 HKT
發佈時間：15:15 2025-06-13 HKT
字體大小
大多參戰馬今朝都到內圈出試，精彩鏡頭一個接一個。
「佳福駒」助手踱一圈，走勢順暢力度唔錯，馬身收實有線條美，毛色回復光澤，早前試閘好重新振作。「彩虹七色」助手踱一圈，愈見放鬆，情緒不斷改善，神色活躍出腳爽勁，馬身亦靚過之前，相當醒神。
「大利好運」助手踱一圈，充滿了氣勢，全程岳高頭走神態威武，身靚全身都係肌肉，佳態保持有餘。「川河型駒」助手踱一圈，全程試來充滿活力，紮紮跳心景開朗，神色吸引外觀靚絕，不遜贏馬時候。
「精算特殊」助手踱一圈，步挺有力精神爽利，火氣有增無減，神態活潑充滿朝氣，打仔馬長期勇銳。「平海之星」助手踱一圈，無時無刻想搶住走，心火旺盛但無汗濕，馬身好靚神態威武，新勝銳氣正盛。
龍之輝新勝猶勇
「龍之輝」步伐穩健力度未減，火氣唔錯又夠墜手。
「哈羅威」助手踱一圈，目光銳利精神奕奕，馬身仍壯無瘦，步爽力勁神態極佳，一直處於上佳水準。 「龍之輝」助手踱一圈，步伐穩健力度未減，馬身好壯好靚，火氣唔錯又夠墜手，新勝猶勇未見走樣。
「天將龍駒」巫顯東踱一圈，步密密輕鬆完成，雙耳烔烔朝氣旺盛，外觀好靚身壯色潤，持續勇銳。「扶搖勢勁」助手踱一圈，目光銳利充滿氣勢，神生步爽貫注力強，馬身更壯更靚， 予人一見傾心之感。
「美麗邂逅」助手踱一圈，從容不迫輕鬆完成，步順爽勁力度唔錯，馬身喼得壯健，神采奕奕現朝氣。
謝鋒
