沙田早晨│姚本輝跟到實一駒
更新時間：15:17 2025-06-12 HKT
發佈時間：15:17 2025-06-12 HKT
發佈時間：15:17 2025-06-12 HKT
字體大小
姚本輝季尾手風大順，剛戰憑着「君智盛」增添進帳，五月至今已贏了九W。周六參戰馬中最有贏面當數「扶搖勢勁」，初出輕勝締佳速，上仗重磅僅負雖敗猶榮，質新馬跑磅唔跑分，升班孭輕磅有好無壞，睇番今朝出跳勁力充沛，輝哥更跟出跟入，追捧倍添信心。
周六姒廄參戰馬中最有贏面當數「扶搖勢勁」(圖)，初出輕勝締佳速，上仗重磅僅負雖敗猶榮。
「天將龍駒」小東好交帶
巫顯東騎功好唔好見仁見智，不過每逢獲得上陣機會，一定為坐騎積極備戰，而對於嫡系馬「天將龍駒」更稱得上無微不至。正如今次賽事每一課操練都親身主理，未有一課假手於人，今朝試跑當然分外肉緊，除了落足心機考驗，操後更立即去烽火台搵呂健威傾談。
「天將龍駒」最近試跑分外肉緊，除了落足心機考驗，今早操後更立即去烽火台搵呂健威傾談。(資料圖片)
