沙田早晨│游生肉緊大美人愛駒
更新時間：18:28 2025-05-29 HKT
發佈時間：18:28 2025-05-29 HKT
發佈時間：18:28 2025-05-29 HKT
字體大小
三班千二米一組有個馬主派兩駒出戰，佢就係大美人李嘉欣，一共有「戰寶」同「耀寶」上陣。比較之下，後駒已贏過當然機會較高，不過「戰寶」今朝出跳有火有力，觀感絕對唔曳，最重要游達榮肉緊到爆，不論跳前跳後都趕落隧道，課後甚至落埋手親自拖馬。
「戰寶」(圖) 今朝出跳有火有力，觀感絕對唔曳，最重要游達榮肉緊到爆，不論跳前跳後都趕落隧道，課後甚至落埋手親自拖馬。
「天威」綸仔全哥咬耳仔
「天威」今季加盟羅廄大放異彩，就算上仗稍稍失準只因形勢不利。由於三班泥地一哩要等到六月二十八日，為免錯過勇態，今次草地一樣照樣報名出戰，同時老拍檔楊明綸繼續動態積極，今朝不止親身主持試跑，操後更詳細向羅富全匯報，兩人當時足足傾了五分鐘。
楊明綸今朝不止親身為「天威」(圖) 主持試跑，操後更詳細向羅富全匯報，兩人當時足足傾了五分鐘。
