81歲影壇大哥大病癒終現身 拍片報平安情況有大轉變 曾患腦癌左邊身試過乏力兼麻痺
發佈時間：20:00 2025-05-31 HKT
現年81歲的武打影生陳惠敏在90年代在電影《古惑仔》演「江湖大佬」駱駝，成為年輕一代影迷的偶像，但其實陳惠敏年青時曾經做過獄警及警察，之後加入電影圈拍過不少膾炙人口的作品如《跳灰》和《舞廳》等等，霸氣形象令人留下深刻印象。
陳惠敏健康狀態出現不少問題
近年陳惠敏的健康狀態出現不少問題，曾經中風、罹患肺癌，並於2021年再患上腦癌，上月突然提早3個月慶祝82歲生日，當時陳惠敏頭髮幾乎變全白，面頰和身軀亦比之前瘦了起碼一個碼，雙眼雖然仍然有神，不過表情有點木然呆滯，日前陳惠敏再度現身，他的狀態竟然有重大轉變。
相關閱讀：81歲「一代梟雄」男星提早慶生有含意？近月狀態急轉直下 頭頂全白木無表情瘦如柴
陳惠敏病癒後拍片報平安：
陳惠敏現身並拍片報平安
陳惠敏提早3個月慶祝82歲生日的影片曝光後，不少人都擔心他現時的健康狀況，日前陳惠敏終於現身並拍片報平安，片中所見，陳惠敏身穿白色T裇，身形依舊瘦削兼一頭白髮，但精神奕奕，他先是對着鏡頭打招呼並說：「我身體現在還好了啊，你放心啊，謝謝你們！」陳惠敏的助手亦有留言：「大佬身體恢復的不錯！」還有不少人留言祝福：「祝你身體健康，萬事如意。」、「好想看到你再次演的電影。」、「保重呀！大佬。」、「大佬，身體健康長命百歲。」
陳惠敏患上腦癌後身體虛弱
陳惠敏曾表示3年前患上腦癌後，令身體虛弱了不少：「我而家醫返好，冇事㗎喇，但係最近呢半年又輪到對腳，我而家兩邊腳都換咗髖關節，換咗幾個月，因為行路平衡唔係咁好，所以行路都拎拐杖就下啲力。」重提當日發現患癌的經過，陳惠敏說：「有一輪我喺屋企落梯都覺得有啲暈暈哋，成日覺得有啲唔妥，點知有一次落樓梯之後，突然成個人暈咗，之後咪去醫院檢查，檢查完之後，發現個腦有粒好似綠豆咁大嘅嘢，影響咗成個人，有時候會覺得好唔清醒。」陳惠敏很感激遇上一個醫癌的醫生：「醫生話1000個人都冇一個好似我咁，因為我運動底子好，我剩係打針同食藥，連標靶都唔使做，只係每20日返去醫生度吊針，吊咗差唔多一年，每吊一次都要7、8萬，都用咗好多錢，用咗百幾萬，不過而家健康好番，冇乜大礙。」
相關閱讀：81歲陳惠敏談抗癌經歷！腦癌三期都醫得好：天都幫我 曾中風、患肺癌花巨額治病
陳惠敏警察出身變藝人：
陳惠敏獲悉患癌一刻當然怕死
當日獲悉患癌一刻，陳惠敏曾說：「話唔驚就假，係人都怕死，點會諗到個腦會有cancer？嗰陣係好嚴重，成日暈，睇嘢又睇唔清楚，因為係喺右邊個腦發現，影響咗左邊嘅身體，所以我而家都有少少唔係咁靈敏，仲有啲痺，仲試過冇乜力。」他續說：「嗰陣辛苦我太太，仲有自己都諗唔到，後生嗰陣咁強壯，講句牙擦啲，真係打勻東南亞，點解老咗會變成咁呢？冇辦法，年紀大，年齡控制住你嘅機能，醫生腦癌咁嚴重都醫返好，算係一個奇蹟。」
