內圈捕影│「安遇」神態回旺
更新時間：15:35 2025-05-11 HKT
發佈時間：15:35 2025-05-11 HKT
發佈時間：15:35 2025-05-11 HKT
字體大小
由於大多戰駒都做最後試跑，故今朝到內圈出試不太多。
「安遇」助手踱一圈，步姿爽朗彈力充足，毛色油潤烏卒卒，更重要神態回旺有番活躍感，大有起色。「路路勁」助手踱一圈，唔急唔搶氣定神閒，質新馬絕對好事，馬身收靚好實淨，落腳輕快力度唔錯。
「富心星」助手踱一圈，神態活潑，試來活力充沛，馬身更靚更札實，贏開再進一步，踏上最佳時候。「運來伍寶」助手踱一圈，小心翼翼按實，馬身茁壯毛水潤澤，落腳穩勁力不俗，持續見好體力充沛。
「黑桃火箭」黃智弘踱兩圈，雙耳烔烔目光銳利，神生步爽充滿朝氣，馬身飽滿唔瘦，不遜季初贏馬時。「猛將兄」助手踱一圈，神情專注汗濕唔多，馬身好靚全身肌肉，神色活躍火氣又好，前所未見吸引。
非凡時刻狀態到位
「非凡時刻」毛色亮麗目光銳利。
「非凡時刻」助手踱一圈，全程彈下彈下，充滿活力好生猛，毛色亮麗目光銳利，狀態到位進度出色。「綠色好景」助手踱一圈，快慢由人姿態順暢，神色馬身都對辦，火氣既好展現活力，狀態弗到震。
「銀皇興標」助手踱一圈，急步走過喘氣聲唔大，喘鳴馬好事也，灰馬身壯健，神態自若呈現暗火。「皮具大師」助手踱一圈，雙目有神朝氣勃勃，馬身保持粗壯，肌肉結實毛水鮮明潤澤，勇況持續。
謝鋒
最Hit
中年好聲音3決賽｜第4季開始報名一常駐評審疑將退出？ 當事人揭工作安排：暫未收到通知
2025-05-12 19:00 HKT
港人首搭新型19座小巴！往返九龍塘至東頭邨 車廂內部進化變成咁？網民：冇晒小巴感覺
2025-05-12 17:12 HKT
