灣仔泰國菜餐廳驚現「偷窺沖涼景」 與民居近在咫尺 食客勁尷尬：成餐飯睇住佢沖涼｜Juicy叮
更新時間：11:00 2025-05-13 HKT
發佈時間：11:00 2025-05-13 HKT
發佈時間：11:00 2025-05-13 HKT
字體大小
灣仔一間泰國菜餐廳驚現「偷窺沖涼景」，由於餐廳與民居近在咫尺，樓上座位的食客，竟可看到鄰近居民在洗澡，有食客大表尷尬：「我成餐飯就係睇住佢沖涼？」
涉事餐廳位於灣仔大王東街，由地下至2樓共3層，主打泰國菜。
灣仔泰國菜餐廳驚現「偷窺沖涼景」 與民居近在咫尺 食客勁尷尬：成餐飯睇住佢沖涼↓↓↓↓
有網民近日在社交平台Threads發帖，實拍在該餐廳樓上座位用膳時，「被迫偷窺」的尷尬情況。
樓主在帖文中表示：「話說今日食食吓飯，見到對面有人喺度沖涼。」
不少食客見過：「其實佢知唔知出面啲人睇到的？」
片段看到餐廳對正一戶民居，有男子正在洗澡，雖隔著磨砂玻璃窗，但男子全裸身影仍隱約可見，該男子似乎未有察覺被對面餐廳的食客「偷窺」。
樓主在帖文中亦不禁反問：「其實佢知唔知出面啲人睇到的？」他又謂：「我成餐飯就係睇住佢沖涼？」「雖然佢磨砂玻璃淨係見到個影，但都有啲尷尬。」
部分曾光顧該餐廳的食客，亦留言表示遇過同類尷尬情況：「......有次都見到佢沖涼，算唔算係餐廳嘅娛樂服務？」「我同朋友都喺呢度，睇過同一樣嘢，真係好尷尬呀其實。」
網民：贏了99.9%的餐廳
不少網民對情況感到震驚：「嘩，近成咁。」「色香味俱全。」「贏了99.9%的餐廳。」「黐線設計，餐廳明知都唔擋窗。」「當自己去咗日本既風俗店食飯囉。」
網民相信該民居，對有可能被偷窺毫不知情：「（佢）應該唔知，以為磨砂玻璃人哋就睇唔到。」
「好慘，快啲搵人話畀佢知」
不少網民建議樓主盡快通知該民居：「好慘，快啲搵人話畀佢知。」「慘！班住戶都唔知自己晚晚真人show，幫幫手寫個email去佢屋苑管理處，叫佢哋處理，功德無量。」
被迫偷窺景驚現 網民：又係土地嘅問題
有網民指出出現這類「被迫偷窺景」的原因：「香港，又係土地嘅問題」。
有網民指在尖沙咀及旺角的一些食肆，亦有出現類似被迫偷窺的情況：「有幾間餐廳貼住對面就係住宅，做乜都睇晒。」有網民甚至在食飯時，見過「磨砂玻璃另一邊係兩個人嘅活動」。
同場加映：女子灣仔珠寶展跌崩昂貴寶石起爭執 目擊者：她疑似被人撞了一下 事件最後咁收科↓↓↓↓
最Hit
港人首搭新型19座小巴！往返九龍塘至東頭邨 車廂內部進化變成咁？網民：冇晒小巴感覺
2025-05-12 17:12 HKT
筲箕灣商場驚見「無人戲院」 購票入場全自助！戲飛全日$20起 不設爆谷汽水
2025-05-12 13:59 HKT
中年好聲音3決賽｜劉洋係民選冠軍？高層、冠軍人馬現場反應曝光 網民歸納2大敗北原因
2025-05-12 16:00 HKT