袁詠儀監場張智霖床戲掀熱話 鄧兆尊自爆曾遭女星老公近距離監視肉搏：坐喺側邊望
發佈時間：09:00 2026-10-24 HKT
近日，TVB台慶劇《璀璨之城》熱播，劇中張智霖（Chilam）與陳曉華、陳瀅及張曦雯等多位花旦的大膽情慾戲成為全城焦點。其中，張曦雯在張智霖面前半裸的「一鏡到底」重頭戲更是未播先轟動。據悉，張智霖太太袁詠儀（靚靚）為給予張曦雯足夠安全感，更親自到拍攝現場「監場」，引起網民討論，這次「監場」熱話連圈中人都有討論。近日，鄧兆尊接受曾志豪與貴花田主持的網上頻道《3寶channel》直播訪問時，就自爆自己同樣有過被對手另一半現場監場看床戲的尷尬經驗，而該位女主角正是江欣燕。
吳積遜昅實鄧兆尊與江欣燕拍床戲
在直播中，當主持人問到男女演員拍攝床戲時，若有老婆或老公在場監工，男人還是女人更尷尬時，鄧兆尊毫不猶豫地表示：「我覺得男人囉，因為我試過，真係！」他隨即點名對手是江欣燕，並透露當時兩人正合作拍攝一部需要床上肉搏的古裝劇。
鄧兆尊回憶起當天的拍攝場景，至今仍歷歷在目：「佢老公（前夫吳積遜）呢，就搬張凳仔坐喺側邊望住。我全程係好緊張咁拍呢場戲！」他坦言，雖然自己與吳積遜非常熟絡，但眼見江欣燕的另一半就在咫尺之遙盯著他們拍床上戲，心裡還是感到無比尷尬。
相關閱讀：張曦雯臨時被加裸戲 網民轟袁詠儀江美儀做說客 監製陳維冠被批無視演員意願丨璀璨之城
鄧兆尊與江欣燕互相信任
此時，貴花田隨即好奇追問：「咁拍得好唔好先嗰場戲？」並幫忙打圓場表示：「都OK，古裝呀嘛，又唔使除。」鄧兆尊表示，拍攝效果其實非常好，因為大家都是專業演員，且私下感情深厚：「大家太熟。第一佢（江欣燕）知我唔係博懵嘅人，第二，熟到咁熟有咩好博你（懵），大家快啲拍完，盡量一take過！」
相關閱讀：鄧兆尊再提供集郵女星線索：唔係佘詩曼伍詠薇 自爆畀花旦入過房 親睹富豪送妻招呼朋友
貴花田爆笑估監場伴侶心態
對於江欣燕老公為何會特意留在現場觀看，鄧兆尊指對方似乎是特別選在有床戲那天來探班。貴花田在節目中搞笑地提出了一個獨特角度，笑指可能吳積遜也有好奇心：「可能佢都有啲特別嘅諗法，『啊！我老婆同其他男人係點嘅呢？』咁樣，會唔會係咁？」此話一出，瞬間引得全場大笑。
相關閱讀：張智霖輕佻談張曦雯半裸風波 「唔輸得」論惹爭議 網民：證明袁澧林冇講錯丨璀璨之城
鄧兆尊再提供集郵女星線索：唔係佘詩曼伍詠薇？
