晨光追擊│「獵寶勤」補中呼聲高
更新時間：15:30 2025-04-29 HKT
發佈時間：15:30 2025-04-29 HKT
發佈時間：15:30 2025-04-29 HKT
字體大小
隨着「遨遊氣泡」在冠軍一哩賽力戰飲恨，而「浪漫勇士」遠征兩度無功，「嘉應高昇」變得好大機會登上馬王寶座。事實上此駒今季八戰全勝，兩度破紀錄時間，被選為馬王當之無愧。
晨曦儷人不勝無歸
「晨曦儷人」是季內贏谷草千二距離最多之馬，改爭一千必合無疑。
第三場第三班一八○○米：「晨曦儷人」今季大爆發，十月九日開齋大勝四又四分一馬位，也是季內贏谷草千二距離最多之馬，之後在十二月再添兩捷，兩仗同樣克服大外檔。「晨曦儷人」殺上八十分，355場只以短馬頭位不敵「撼天鐵翼」，大前仗改攻田草千四，拍住廄侶「飛鷹翱翔」開快步速，欠長力根據下頂到最後一千米才轉弱，名次跑第九似差勁，實則只輸兩個半馬位。前仗「晨曦儷人」返回谷草千二，吼準評分上限八十五分的三班賽又建功，這次同樣贏得輕鬆締速又快，至於上仗初上二班只不敵於已退役的超級馬「美麗緣分」。
「晨曦儷人」過往一再展現上佳速度，仲要最近試閘加眼罩展現高速，改爭一千必合無疑，更重要對手弱得多，不勝無歸。
獵寶勤強敵盡去
「獵寶勤」上兩仗皆跑第二。
第四場第三班一二○○米：「獵寶勤」看似上陣甚多，實則只是四歲，過往戰績平平，主因慢熱未及適應。此駒一度主攻泥地，季初並試過在泥地千二打疊上名，可是之後未如人意，為此大前仗改攻谷戰，該仗賽前有一個特別動靜，就是突然上從化備戰，可是排四檔竟被沿途頂出三疊，際遇欠佳未有佳作。
「獵寶勤」前仗加上眼罩，巴度起步推騎一心搶前，結果僅以半個馬位不敵，若非排十二檔早段用力，相信已能贏馬。上仗換布文檔好順利放出，結果又跑第二，只怪頭馬「日馳千里」太勁。今仗強敵盡去，尚要快馬唔多，布文再跑已建立默契，補中呼聲高唱入雲。
兆文
