晨光追擊│「喜尊龍」質超四班
更新時間：13:49 2025-03-22 HKT
發佈時間：13:49 2025-03-22 HKT
發佈時間：13:49 2025-03-22 HKT
字體大小
近屆打吡盟主，好少在跑了十五場或以上先贏打吡，「遨遊氣泡」、「金鎗六十」及「佳龍駒」都係在港第十一戰贏打吡，「達心星」去到十三次出賽封王，若果「球星」十九戰先揚威打吡將會破紀錄。
喜尊龍勇熟倍添
「喜尊龍」一連兩仗交出極佳表現。
第一場第四班一四○○米：「喜尊龍」三歲馬進度來得飛快，初出跑田草千二只得第七名，翌仗再攻同程，名次大幅提升，直迫「熾烈神駒」勇奪亞軍，後駒升上三班仍能入圍，而該仗季軍「智勝攻略」之後連贏兩場。
「喜尊龍」上仗排三檔更落在弱組，捧到二十五蚊相當誇張，班德禮發揮一致無錯了，全程走第五、六位，並一直在二疊生位，不過步速實在太慢，「喜尊龍」大半搶口，同時入到直路遲遲才撻着後勁，因而來遲一步。一連兩仗交出極佳表現，敢定質素甚高，四班一定留唔住。賽前再次上從化備戰，近日回港淡淡定勇熟倍添，至於扳上千四毋須擔心，因為同樣由千二增程千四的「康樂高球」同「膨才」，分別取得頭馬及季軍。
競駿輝煌爭取連捷
「競駿輝煌」上仗補中彈甩輕勝。
第二場第二班一四○○米：「競駿輝煌」上季充滿星味，以為今季會扶搖直上，可惜頭六戰全部未能取勝，大前仗用潘頓出擊跑第二，僅半馬位負「球星」而挫「玩笑」，賽績水準算不俗，狀態總算跑起。
「競駿輝煌」前仗再配潘頓，並盡地一煲落眼罩，捧到十八蚊以為十拿九穩，誰不知遲遲才撻着，最後只得第六，賽後一再睇片更全找不到落敗原因。蔡廄馬通常都會諗計補中，尤其兩倍以下不入三甲馬，好似之前「神馳」、「泰泰精神」及「首飾天空」之後再出獲兩冠一亞，所以「競駿輝煌」上仗補中唔意外，矚目在於竟彈甩輕勝，明顯這個眼罩終於展現威力，今次對手熟口熟面，大多係蹄下敗將，添食可期。
兆文
