晨光追擊│「凌風傲雪」神態集中
更新時間：16:27 2025-01-23 HKT
發佈時間：16:27 2025-01-23 HKT
發佈時間：16:27 2025-01-23 HKT
字體大小
一如過往的周四晨課，今朝好多馬匹出跳，包括今次及賀歲賽馬匹，多位好手亦一早到場操馬。現將所見報道如下：
「閃耀威龍」戴頭罩由黃寶妮跳兩段，外觀對辦，出腳步穩力足，馬身又靚極具好感。「凌風傲雪」戴頭罩由潘明輝跳兩段，神態集中再無郁身郁勢，早前加戴面箍效果亦好。
「慶萬家」楊明綸跳一段，步順輕快力度不俗，身壯色潤，狀態長期見好。「爆熱」戴眼罩及頭罩由霍宏聲跳兩段，唔再懶亦無伸頸，走勢硬淨正值勇境。「競駿光輝」鍾易禮跳兩段，雙目有神，落腳有力，近況弗到震。「燭光晚餐」戴頭罩由楊明綸跳兩段，馬身仲有少少肥，不過無咁急韁口轉好。
「德心知遇」戴眼罩及頭罩由助手跳兩段，出腳俐落流暢，馬身好粗壯，狀態持續出色。「南區之星」戴頭罩由梁家俊跳兩段，試來淡定唔急唔搶，外觀亦見省鏡，饒具好感。
勁好運外觀引人
「黃腳鱲」戴頭罩由希威森跳兩段，一貫身壯健，主動肯走暗火湧現，復勇八九。「勁好運」戴頭罩由助手跳兩段，再一次急口唔規矩，然而馬身好靚脹卜卜，外觀引人。
「勁好運」馬身好靚脹卜卜，外觀引人。
「香港精神」貝知仁跳兩段，依舊活躍好火，上課拍跳更跳贏廄侶，狀態好弗。「時間寶」班德禮跳兩段，無轉腳但走來主動起勁，火氣極佳。「喜悅一生」戴頭罩由助手跳兩段，灰馬身壯實淨，神色唔差，具備爭勝水準。「傑出漢子」戴頭罩由何澤堯跳兩段，馬尾長番出嚟無咁短，輕鬆走過神色對辦。
「飛來閃耀」黃寶妮草地跳兩段，快慢由人末段加速順暢，馬身收得好靚，毛色油潤悅目，外觀引人。「仁仁有餘」布文拍「鈦易揾」及「夢幻駿駒」草閘跳兩段，末段拍住一齊走展現鬥心，步好闊力度提升，表現予人好感。「有派頭」戴眼罩由布文草閘跳兩段，出閘無問題，按住順走試來淡定，要挑剔的是有汗濕。
兆文
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
網傳瀋陽爆隨機斬殺案致多人亡 無頭軀體倒街頭
13小時前
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT