晨光追擊│「魅力知遇」「華麗再勝」

更新時間：16:06 2024-01-27 HKT
發佈時間：16:06 2024-01-27 HKT

早前蔡廄進行拜神儀式，除了暑期蔡廄甚少在馬季內拜神，而且這次更是蔡約翰自己提出要拜神祈福，此舉明顯是練者對今季成績不滿意，亦肯定下半季必全力攻堅。

第七場三班一二○○米：「華麗再勝」試了一課閘後有傷，曾有一段日子缺課，不過此駒質素好高，不久後再試閘輕鬆勝出，亦因此極速上陣，只試了兩課閘其實備戰唔足夠，而且當時仲係好重口，初出排十檔上名已算有交代了。「華麗再勝」跑過一仗泄去虛火，前仗強配潘頓補中，贏夠兩個多身位，姿態輕鬆唔在講，蹄下敗將相當勁揪，第二至第七名馬匹，除了「椒椒醒」再出無影，其餘「風雲武士」、「幸運星球」、「大才」、「堅闖」及「福國寶」，全部再出非勝即位。

「華麗再勝」質素極高，升上三班無阻力，上仗若非全程走二疊，相對「精算暴雪」沿欄一步不蝕，已經再下一城，今仗唞夠操足再來，更落在超弱組，補中話咁易。

「華麗再勝」今仗唞夠操足再來，更落在超弱組，補中話咁易。

第九場第三班一六○○米：「魅力知遇」火速適應水土，首六戰交出四冠兩亞佳績，之後三場四歲系列賽連番失利，只因未夠長力，與及初期搏得太盡所致。此駒有一個優點，就是本身體力充沛，上季出賽多達十三次，今季縱使遲至十月二十二日上陣，但短短兩個月內已跑五仗。季內頭三仗寓賽於操，前仗出戰田草千八除去眼罩，立即重新振作拼入一席，輸得遠全因「常拼常勇」太勁。