星級大搜查丨群星消暑妙法大公開！MIRROR係最抗熱男團？ 張繼聰佛系散熱：心靜自然涼
發佈時間：11:00 2026-08-17 HKT
夏日熱辣辣，一眾明星都各有消暑奇招！今集《星級大搜查》找來藝人們分享他們的消暑妙法。MIRROR 成員 Edan（呂爵安）與 Jeremy（李駿傑）異口同聲大推雪櫃凍西瓜，Edan 笑指：「媽咪會買西瓜，跟住就會切到一嚿嚿，跟住擺喺雪櫃度食。」隊友 Jer（柳應廷）則建議食刨冰及長開冷氣，更自爆曾現中暑先兆：「我有試過中暑嘅，係會有少少頭暈啊，同埋冇乜 focus 到囉！」他更親授「急救法」，表示：「飲可樂係可以幫到手。」
Marf力推凍飲敷面及雪藏面膜降溫
至於 COLLAR 的 Marf（邱彥筒）就力推用凍飲敷面及雪藏面膜，大讚：「消暑架生就係喺雪櫃裏便嘅面膜。真係呢個好好消暑。」她指此舉能消腫兼提神；而衛蘭、陳康堤與馮盈盈亦愛以冷飲及冰凍降溫小物如冰頸環抗熱，莊子璇則選擇狂食雪糕兼貼冰涼貼降溫。
相關閱讀：星級大搜查丨伴侶難頂習慣大揭秘！羅子溢拖延症激死楊茜堯？ Stanley嫌未婚妻行動力太高
張繼聰：心靜自然涼
除了物理降溫，張繼聰就選擇靠意念抗熱，除了必備風扇仔跟身，他笑言：「通常就會…靜靜哋坐喺度囉。即係心靜自然涼，所以我成日聽啲好佛系嘅音樂啊！」他更回憶年輕時正午踢波險中暑的恐怖經歷：「感覺到我嘅鼻孔呼出嚟嗰啲氣呢，好似冷氣嗰啲…嗰啲空氣咁。咁冇理由啊，三十幾度又出晒汗咁樣，但是我噴出嚟嗰啲係冰嘅。我就知道我應該差唔多中暑㗎啦！」
相關閱讀：星級大搜查丨明星通訊習慣大公開 Ian疑有電話恐懼症：有人打嚟我就好緊張 陳瀅最憎人打電話
陳懿德街頭開工險熱暈
而陳懿德則有隨身急救法寶，她透露除了帶保濕噴霧，更會必備黑朱古力：「長期帶一個黑朱古力喺個袋仔度。如果覺得自己開始要暈啦…就可以食一啖，補充少少嘅糖分。」她自爆曾在街頭開工等埋位時險些暈倒：「我就死頂，我就繼續『冇事嘅，冇事嘅』咁樣…好彩隔離有啲人見到，就捉返住我。」另外，盧慧敏（Amy Lo）愛用傳統摺扇，黃嘉雯則大推能帶來薄荷冰涼感的濕紙巾。
相關閱讀：星級大搜查｜明星「慳家開冷氣大法」逐個睇！ BabyJohn電費從未過千 專家教四招慳電大法
朱敏瀚、黎耀祥推介夏日拍攝「保命」法寶
藝人經常要日曬雨淋拍劇，朱敏瀚推介將退熱貼貼頸及飲「藿香正氣水」保命；吳偉豪試過拍外景險暈，直言狂飲水及帶風扇是基本；麥長青（麥包）慶幸現時有衣物冷卻噴霧及吹氣衫，回想當年拍《鐵血保鏢》曾兩三次險中暑；黎耀祥則靠飲冬瓜水及狂換底衫捱過古裝地獄。
相關閱讀：星級大搜查丨明星患「另類強逼症」？ Anson Lo狂用濕紙巾 ViuTV女神唔着襪瞓唔著
圈中「捱熱」高手曝光
提到圈中「捱熱」高手，不少人得天獨厚「面部唔出汗」，Marf 慶幸：「我基因係我塊面係最遲出汗嘅，最快係個背脊。」張繼聰亦自豪是化妝師最愛，因身濕但面乾爽；朱敏瀚、衛蘭亦自認不怕熱，Jer 及 Jeremy 更笑言 MIRROR 全隊十二人夏天著大褸出騷早已習慣捱熱。至於 Amy Lo 與黃嘉雯，則分別點名大讚馮允謙（Jay Fung）及《東張》女神梁敏巧最捱得熱。
相關閱讀：星級大搜查丨估你唔到明星慳錢大法！ 陸浩明一味靠「癡」 郭晉安奇招善用浸浴水
