中秋節︱恆香月餅驚見發霉 客人怒呻「無諗過大牌子都可以咁」 恆香：啟動品質核查程序
發佈時間：16:07 2026-09-24 HKT
中秋佳節臨近，不少市民除了會「食燈籠、玩月餅」應節，亦會買月餅送給親友送禮祝賀。不過，有多位購買了百年老字號「恆香老餅家」月餅的客人，打開卻驚見包裝內的月餅「發霉」。有網民近日在社交平台發文，表示打算買月餅送禮，誰知一打開鐵盒竟發現月餅「發霉」，直言「無諗過咁大個牌子都會咁」；亦有網民拆開包裝後，才發現表面無事的月餅、翻轉底部原來已發霉，更稱已向食環署舉報。
據圖片所見，涉事的包括「金華火腿伍仁月餅」以及「雙黃白蓮蓉月餅」。恆香老餅家回覆《星島頭條》查詢時表示，早前已將提及的個案作紀錄，並已即時主動跟進及採取行動，包括換貨或退款處理安排，確保客人得到適切回應及售後支援。同時，有關部門已立刻啟動內部品質核查程序，檢視相關批次。
網民料為趕貨 月餅未攤凍就急忙包裝入盒
涉事的顧客在帖文表示，早前見有人提及恆香月餅發霉，「估唔到我都中咗」，認為恆香也算有名，直言「竟然啲嘢係咁差，真係嚇死人」；亦有事主表明是買來用作送禮，卻在打開盒時已見到月餅發霉，「無諗過咁大個牌子都會咁」；亦有顧客表示已向食環署舉報，希望大家小心「避雷」。
有網民在帖文下留言，估計發霉原因很可能是因為要趕貨，月餅出爐後「未完全攤凍就急忙包裝入盒」，由於表面變涼的月餅，中心溫度仍偏高，若此時便已包裝入盒，餘溫或令月餅在包裝袋內焗至出現水氣、導致發霉。
恆香指未收到大規模異常報告
恆香回覆查詢時指，早前已將提及的個案作紀錄，並已即時主動跟進及採取行動，包括換貨或退款處理安排，確保客人得到適切回應及售後支援。同時，有關部門已立刻啟動內部品質核查程序，檢視相關批次。恆香亦強調，一向重視食品安全及產品質量，所有月餅產品均於嚴格監控之衞生環境及標準下生產。
截至目前為止，恆香稱未有收到大規模異常報告。為確保產品質量，門市職員在顧客購買及兌換月餅時，均會即場打開產品包裝盒與顧客一同確認月餅外觀及狀態完好。恆香重申，會繼續嚴格監控產品品質，確保廣大消費者食得安心。
《星島頭條》正向食環署食安中心查詢。
相關新聞：
中秋節｜二手平台月餅現「割喉式」減價 皇玥半島半價促銷 學者分析「炒燶」原因！
中秋北上過關注意！帶月餅隨時違法 這傳統餡料即中招... 附完整出入境違禁品名單
中秋好去處2026｜港九新界16大賞月地點推介！即睇正日天氣如何！（附賞月錦囊）
中秋好去處｜一文睇清過節賞月地點 大坑舞火龍/維園綵燈會/利東街彩燈迎月 即睇放假及交通攻略！
