澳牛全員「戴撈」開工惹熱議！網民嘆裝備矜貴「貴過餐牌」 網友羨慕：制服一部分！
發佈時間：16:11 2026-11-09 HKT
位於佐敦的澳洲牛奶公司（下稱「澳牛」）向來以光速送餐及招牌炒蛋多士而聞名，其獨特的「服務態度」更吸引不少旅客前往朝聖。近日，有網民轉發一段網紅影片，指店內伙計幾乎全員佩戴價值不菲的勞力士名錶，不禁驚訝「人人都有隻勞？」帖文引起網友們熱議，不少人笑稱勞力士為澳牛員工制服的一部分：「恨唔到咁多！」
澳牛伙計矜貴裝備「戴撈」開工？港人震驚「人人都有隻勞？」
近日，一位鐘錶KOL分享一段有關「澳牛」員工的影片。從影片可見，店內多位身穿白色制服的伙計忙於落單及送餐，而他們的手腕上就不約而同佩戴著不同款式的勞力士名錶，如黑藍圈的GMT-Master II，部份更為金色錶帶款式，價值不菲。這個有趣小發現令這名KOL笑言：「員工的手錶比餐牌還要貴」，字幕更形容此為「沒人預料到的炫富」，稱香港侍應「戴着價值2萬美元的勞力士，端上5美元的餐點」。
影片被港人轉發到網上社交平台，更對此感到驚訝：「澳牛伙計人人都有隻勞？」，引來不少眼利網民認出伙計手上的矜貴錶款，包括炒價高的熱門款式，「水吧有隻綠水鬼！」有網民稱曾經向店員求證，原來手錶都由老闆送出，年資越長，款式越貴，「我真係有問過佢哋，有個年資做得最耐係全金Daytona」。
網友打趣：員工個個低調
帖文引起網民熱議，不少人幽默表示勞力士手錶已成為澳牛的「員工標準配備」，更對此感到羨慕：「制服一部份，恨唔到咁多」、「開工戴隻撈，一定好襟撈」、「員工個個低調」、「澳牛三十年前已經人人一隻勞，最勁係全部員工都fit嘅無甩漏」。有網民大讚「澳牛」為良心企業，多年來更持續發放花紅，「香港良心企業，佢哋個個做咗幾廿年，年年出2至4個花紅」、「之前訪問佢澳牛個仔，佢話佢哋人工高啲，工作時間又長，所以儲到好多錢」、「之前講過佢哋係有seasonal bonus（季度花紅），最低薪員工年薪55萬」。
此外，有網民認為從事基層崗位人士，隨時都是「臥虎藏龍」，直言「澳牛」員工佩戴名錶上班只是冰山一角，「開茶餐廳開到揸拉利都見過，戴勞有咩出奇」、「其實好多巴士車長都係，香港地其實好多人嘅財富同份工冇關係」、「識得有個巴士佬，揸住三層供斷咗嘅私樓+一幢村屋」。
文:R
資料及圖片來源:資料圖片、Threads
延伸閱讀：銅鑼灣直擊｜新商場「港島壹號中心One Causeway Bay」開幕！8大食店逐間睇 福岡天婦羅/人氣咖啡店/Dairy Queen
