破紀錄高溫︱觀塘游泳池人頭湧湧 有人帶仔女消暑 有人「熱到頂唔住」
更新時間：18:25 2026-08-10 HKT
發佈時間：18:25 2026-08-10 HKT
發佈時間：18:25 2026-08-10 HKT
字體大小
大熱天時，不少人會游水消暑。酷熱天氣警告下，《星島頭條》記者今日（10日）到觀塘游泳池觀察，不少市民一家大細準備入場游泳降溫。有泳客指今日泳池人頭湧湧，多近三分之二人；亦有年長人士表示近日天氣特別炎熱，會選擇減少外出，留在家中「涼冷氣」。
市民黃女士今日帶兒子上游泳班。她認為今日「超級熱」，又指近日氣溫過高，「熱到出唔到去」，前陣子到旺角逛街，「係熱到頂唔住」，只能選擇到商場等室內地方逛，亦要「係咁買嘢飲、買雪糕食，係非常之辛苦」。龍小朋友亦「熱到流晒汗」，指天氣炎熱自己更想留在學校，「因為學校啲冷氣好涼。」
市民鄧女士與女兒宋小朋友游泳消暑，表示暑假期間希望小朋友有更多活動，「費事喺屋企成日玩遊戲機」，擔心會影響其視力。她又指「有時會帶佢去沙灘」，也會去游水、室內遊樂場遊玩等等。
相關新聞：
破紀錄高溫︱巴士車廂如焗爐？實測上層頭尾溫差9度 車長嘆「稱不上冷氣」
破紀錄高溫︱上水錄39.8度 天文台：自1980年代設氣象站以來境內最高紀錄
破紀錄高溫︱深水埗風扇檔門庭若市 地盤工友買風扇衣開工 檔主：爆曬數
破紀錄高溫︱英國人呻遠勝歐洲熱浪 南京客指「拍得住」火爐城市
泳客：唔游水會熱死喺屋企
泳客劉先生亦認為近日天氣特別炎熱，夜晚吃飯時只能開冷氣，「無計呀，天熱吖嘛，熱到你唔開冷氣又唔得」。不過他又指自己每日都會游泳，風雨不改，「唔游水就熱死喺屋企啦，要出嚟游吓水，無咁悶吖嘛。」
另一位泳客鍾女士就指，近日天氣特別炎熱，平日在家「會開多咗冷氣」，而特別炎熱的時間亦「唔會出街，盡量喺屋企」。她表示，自己平日亦習慣游泳，「冬天都會游」，故今日亦來泳池消消暑，又說或是因為學校放暑假，今日的游泳人士比平日「多咗三分之二」。
記者：伍萬庭
攝影：汪旭峰
最Hit
