停車場都塞車？被困太古城中心逾兩小時 車主怒斥過鐘照收錢唔合理
更新時間：23:05 2026-08-02 HKT
發佈時間：23:05 2026-08-02 HKT
發佈時間：23:05 2026-08-02 HKT
字體大小
今日（2日）星期日晚上，社交平台Threads上突然湧現多個苦主發帖求救，指「被困」太古城中心（Cityplaza）地底停車場，因塞車未能離開。有晚上8時半從B3層出車離場的車主直言，「喺停車場入邊塞咗一個半鐘仲未出到去，被困喺度想走都走唔到」，該車主最終等候逾兩小時方能「重見天日」，亦見出口處有交通警，惟停車場仍繼續收取塞車期間的「額外」停車費。
塞車逾個半鐘 客服線路繁忙
亦有7時半離場的車主指塞車逾一個半小時，約9時半才能成功離開；有同樣「被困」B3層的車主嘆稱「塞咗成個鐘完全無郁過」，而客服中心電話又線路繁忙，大呻「白白浪費咗咁多時間」，坦言「我只係想返屋企啫。」
網民引述客服：大雨疏導唔到啲車
據多位車主所稱，塞車的原因是有擬駛入停車場的車主「唔肯讓、塞住個出口」，太多車入場導致出口倒塞，而不少車主亦將堵塞的茅頭直指保安疏導交通不力，斥保安「由得啲車打尖，塞死晒條路」。此外，網民引述停車場客服指「大雨疏導唔到啲車」，稱現場多名車主均對此說法不買帳，又怒斥停車場仍向車主們收取因塞車而造成的額外停車費。
苦主：過鐘嘅錢照收唔合理
事件旋即在網上引起熱議，有苦主認為「過鐘嘅錢照收唔合理」，質疑「點解管理可以咁差」，指商場應給予交代，並向車主賠償時間和金錢上的損失；有車主更揚言「以後也不再去太古城。」
根據網站資料，太古城中心範圍有超過1,800個車位，當中太古城中心停車場停車位數目超過800個，而太古城星輝臺（第十期）停車場B1至B4層則提供超過600個停車位。《星島頭條》正向太古城中心查詢。
