放狗後無清理排泄物 保安勸喻反被責難？啟德居民親述：見過放狗入草叢屙完唔理
發佈時間：06:55 2025-08-23 HKT
啟德住宅區一帶狗隻隨處便溺問題引起居民關注，有狗主遛狗後未有妥善清理排泄物，令街道衞生惡化。有居民指情況已持續一段時間，問題嚴重，當作出提醒，部分狗主卻惡言相向。有市民說，曾見狗主心存僥倖，「放狗入草叢屙完就唔理」。
康文署：半年內口頭勸喻千次
食環署回覆《星島頭條》查詢時表示，署方於去年6月至今年6月期間就啟德區內狗隻便溺問題共接獲24宗投訴。康文署職員今年首6個月，曾向寵物主人就狗隻未有以帶或繩子牽引狗隻，或沒有即時清理排泄物發出約1000次口頭勸喻。
相關新聞：放狗｜啟德狗主無即時清理狗糞 康文署半年千次勸喻 屋苑貼罰款告示 議員倡加強規管
居民：部分狗主無視提醒
養狗多年的方先生認為，狗主應自覺承擔清理責任，「唔好怕麻煩，養狗就要負責」。他曾主動提醒其他狗主注意問題，觀察到近年整體意識有所提升，尤其在保安勸喻下，多數人會即時清理，但仍有部分人心存僥倖，「放狗入草叢屙完就唔理」。
居於啟德的陳先生則指，問題並非近期出現，「成日都見到有人唔執，講咗都唔理就走」。他批評部分狗主欠缺公德心，即使有人提醒仍置之不理。他不贊成使用化學清潔劑清潔，認為以清水沖洗已屬可接受做法，但強調「最緊要係狗主有意識自律」。
人類隨地便溺都要罰：人狗罰則應一致
平時在啟德放狗的王先生直言，狗主自律程度參差，「人都有好壞之分，有啲狗主真係懶」。他指雖然偶有市民出言勸喻，但部分狗主態度惡劣，會反駁或爭吵。他認為當局有必要立法加強規管，反問：「人類隨地便溺都要罰啦，更何況係狗？」認為政府應一視同仁，「人狗罰款應該一致」。
保安：非所有狗主願配合 有時更遭責難
啟德車站一帶的保安員吳小姐透露，區內常見狗隻糞便未被清理，「啲屎多過尿，好誇張」。她說即使主動勸導，亦非所有狗主願意配合，有時更會被責怪，「有啲會聽，有啲唔聽，仲話唔係佢責任。」她曾多次接獲居民投訴，特別集中於遊樂場附近，坦言前線人員「成日夾喺中間，居民又鬧，狗主又唔聽」，希望當局及社會加強支援和監察，減輕前線壓力。
記者：陳俊豪
