又發黑雨！打工仔返工再變落湯雞 湧天文台FB轟「草菅人命」 有網民護航：幾點掛都有人鬧
更新時間：10:23 2025-08-14 HKT
發佈時間：10:23 2025-08-14 HKT
發佈時間：10:23 2025-08-14 HKT
字體大小
【楊柳/天文台/HKO/黑雨/返工】自上次(8月5日)的長命黑雨，相隔9日又發黑雨。今次受楊柳的外圍雨帶影響，天文台在上午7時50分改發黑雨信號，剛好時間又是打工仔上班時間，一眾打工仔又湧到天文台社交平台網頁再次狂轟天文台改發黑雨信號的時間，直言全身濕晒，「6:00嗰陣時已經好大雨啦，點解當時唔掛？」不過亦有人讚揚天文台「做得好好，多謝你體諒市民」。
今次黑雨大嶼山及港島中西區有大暴雨，中西區一度錄得超過140毫米雨量。葵青及屯門區每小時雨量預料或已超過100毫米。天文台在社交平台facebook 黑色暴雨警告信號的帖文，共有900多個回應，當中大部分是炮轟天文台在7時50分才改發黑雨信號，令他們全身盡濕，「8點前返到打卡先掛黑雨，簡直草菅人命」、「7:50 好多人已經出咗門口啦，成街都係水氹啊」；「天文台係咪想玩殘打工仔，搭到半路唔夠十分鐘轉黑雨，早啲掛俾人有預算啦」；「7點半出要視乎情況發唔發黑雨，7點42分發50分出黑雨，連15分鐘內嘅野都預測唔到，厲害！！」
有人讚天文台處理
不過，亦有人讚揚天文台今次做得好，「做得好好，多謝你體諒市民」，「天文台好波」，「今次已經算係咁，天文台繼續努力！」，亦有網民為天文台講公道話，「其實無論幾點掛，幾點落，都會有班人走出嚟鬧。」
相關新聞：天文台｜上午11時10分改發紅色暴雨警告信號 黑雨歷時逾3小時
最Hit
