真相猜‧情‧尋︱八仙嶺山火張潤衡挑機網民 親解訪問「甩底」指控 斥「金句」被斷章取義
發佈時間：18:12 2025-08-03 HKT
八仙嶺山火︱1996年2月八仙嶺山火，導致香港中國婦女會馮堯敬紀念中學師生5死13傷，為本港歷史上最慘重的山火之一。當年山火倖存者、「生命鬥士」張潤衡因為接受媒體採訪和活躍於網上而成為爭議人物。近日由方東昇主持的TVB節目《真相猜．情．尋》有關八仙嶺山火的上下集播出後，再度激起網民熱議。
張潤衡：從無答應《真相猜．情．尋》採訪邀請
事緣節目製作方聲稱張潤衡原答應受訪，但最終「甩底」，方東昇更在節目尾聲的旁白中疑似「抽水」，引用張潤衡名句指「如果揾到答案，但無汲取教訓，歷史遲早重演，悲劇只會再臨，到時或者會真正應驗一句話：真相，畀你揾到又點呢？」
張潤衡再度被「擺上枱」，引來不少網民到其社交平台專頁帖文下留言，質疑他為何不受訪問、又認為他應該解釋，指大眾希望知道事件真相，張潤衡本人亦「初上火線」，以近千字回應各大質疑。
回應「金句」：網絡cap出嚟斷章取義
他先指，「嗰句說話係畀網絡cap圖出嚟斷章取義」，指山火發生當時，其實自己「坐咗喺度玩gameboy ，聽到老師叫我走，我就即刻走」，反問「我都唔知真相，我點樣回答？」他坦言自己並非受過公關訓練的公眾人物，「真係唔明啲乜嘢面對傳媒對答問題」。
相關新聞：真相猜‧情‧尋丨回顧96年八仙嶺山火 生命鬥士張潤衡陷爭議 真相至今未解
指對方「夾硬喺節目度話我應承咗佢受訪」
張潤衡強調，「唔會睇佢（方東昇）呢個節目」，認為節目本身就是出於極不尊重的情況發生。他又透露很多鏡頭以外的事觀眾不知道，例如自己從來無應承過接受訪問，指對方「夾硬喺節目度話我應承咗佢」。他解釋，事實是李嘉嘉（另一主持人）一開始致電他時，自己已拒絕受訪。
張潤衡指，「佢要約我傾幾句，得，我就約咗佢諗住傾幾句。點知佢帶晒成隊人過嚟，事前完全無通知過我。呢啲嘢你哋又知咩？」至於「真相… 」那句說話，他表示亦有叫對方查清楚，「睇返條影片我想表達啲乜嘢」，最終卻變成節目中「佢不停攞呢一句出嚟做soundbite。」
斥節目為收視流量 不停攞呢句做soundbite
張潤衡直言，「喺我角度睇，佢哋都係為收視為流量啫」，指自己改變不到觀眾如何看電視，但認為「你哋都係喺嗰幾十分鐘嘅節目入面，就好似覺得自己得到晒所有嘅資訊一樣」，指其實這種節目都是在一個前提底下，令觀眾情緒側向一邊，形容主持所問的問題「全部都係引導性㗎啦。」
相關新聞：
真相猜·情·尋｜96年八仙嶺山火死難者媽媽受訪惹哭全網：放低大家都開心 憶丈夫風雨不改每天重回女兒身亡地
真相猜‧情‧尋丨「八仙嶺山火之謎」首尾呼應「真相嘅意義」方東昇團隊被譽神結尾：為事件真相作出總結
指網民只想找不順眼的人攻擊：你哋真係想搵真相咩？
張潤衡最後總結指，自己現時仍保持那個諗法：「真相？你哋真係想搵真相咩？我都有睇部分留言，全部都係偏頗性嘅，大家只不過想搵個你哋睇唔順眼嘅人你攻擊吓啫。」
他亦有回覆其他網民質疑，例如被問到事發時有否在「小平原」看到有人食煙，他表示沒有見過有人在山上食煙；有網民問「最近咁多聲音，點解唔企出嚟講清楚」，他回覆指「企喺邊度講？企過好多次啦，大家都係只會聽佢哋想聽嘅。」
為何帶火機 張：已解釋不再回應
有網民留言表示，傳媒指有目擊者見到藍白間條衫的人（當時張潤衡身穿藍白間條衫上衣），他則稱「咁你問返嗰個目擊者，你問我做乜呢？」；網民問及「帶打火機做乜呢？」張潤衡則回應「之前已經解釋，不再回應。」
