茶餐廳只收現金 旅遊達人項明生批職員傲慢：「今時今日咁嘅服務態度」 網民一原因有唔同睇法…
發佈時間：18:00 2025-06-22 HKT
【項明生／現金／電子支付／茶餐廳】茶餐廳只收現金掀風波？旅遊達人項明生前日（20日）在社交平台發文，指自己和內地朋友到一家茶餐廳吃晚餐，結帳時職員冷冷地表示茶餐廳「只收現金」，內地朋友沒有港幣現金，於是向項明生求助。項明生再問職員是否收「八達通」或「信用卡」，職員均回覆「唔收」，還稱「金毛職員」很不耐煩地說「$201文（蚊）呀！只收現金！唔收毫子！」。項目生表示職員的語氣傲慢，「忽然我明白，點解香港呢期咁多餐廳收皮」。
項明生批職員態度冷漠
項明生以「今時今日咁嘅服務態度」為題發文，指自己日前和內地朋友到茶餐廳吃完晚餐，但結帳時職員稱只收現金，「職員冷冰冰一句，氣氛瞬間僵硬了」。由於朋友沒有港幣現金，亦已習慣手機支付十幾年，於是向他求助。項目生於是問職員「收唔收八達通？」及「收唔收信用卡？」，職員均回覆「唔收」，更很不耐煩地說「$201文（蚊）呀！只收現金！唔收毫子！」
項明生批香港餐飲業「自己大晒」
項明生稱整個對話，「聽到的都是傲慢的『唔收！』『唔收！』『唔收！』，只收現金，但係唔收五毫子、兩毫子、一毫子。」他還稱因此而明白「點解香港呢期咁多餐廳收皮呢？」他還稱為甚麼香港人用比深圳高出兩至三倍價錢食飯，要得到這樣的服務呢？你還稱只須一個小時的車程北上，「價錢平咗一大截，服務升級200%」，去深圳消費「乜都收」，「連港紙都收，而且匯價更是一比一！」
最後，他將香港餐飲業和深圳的餐飲業對比，稱「一個以客為尊，驚死你唔嚟，一個自己大晒，唔驚你唔嚟」。
網民一面倒批評 質疑「都寫明只收現金」
不過帖文一出，即惹起網民的一面倒批評，指「只收現金，完全無問題」、「都寫明只收現金、都仲要問人收唔收咩收唔收物」、「日本好多餐廳都只可用現金，咁你唔講，搵野（嘢）嚟講架（㗎）喎」，亦有網民解釋店家不收現金是因為八達通公司都會同商戶收取手續費，「小本經營幾十蚊一碟飯嘅商戶可能覺得唔值得」。
但亦有少數網民支持項明生，附和指香港不少食肆服務態度不佳，如同「貼錢買難受」；亦有網民心平氣和提議：「帶備現金在身已（以）備不時之需，方便人又方便自己。」
項明生留言解釋不獲認同
項明生眼見網民群情洶湧，亦有留言解釋，指「唔知點解大家咁大反應」，稱發文只是「表達我個人鍾意用八達通，或者電子貨幣，唔鍾意用現金」，他又稱收現金沒有問題，但可提供八達通及電子支付方便不同客人。他亦稱「當然本港有餐廳及的士堅持只收現金，我都會尊重，俾（畀）返現金」，更稱網民不要上綱上線，「食飯啫」。不過網民就似乎對解釋不太收貨，留言大多批評項明生，指「去人地（哋）舖頭都唔按人哋規定，影衰香港人」，亦有人質疑是項明生發帖批評他人在先，「你插人就得，人哋插你就咁大反應？」
