盲盒旅行團︱CLS Holiday抽著火水？發帖暗串上團團友：「 嚟緊冇四五星級酒店」
更新時間：15:01 2025-05-07 HKT
發佈時間：15:01 2025-05-07 HKT
發佈時間：15:01 2025-05-07 HKT
字體大小
【盲盒旅行團/旅行社/斯里蘭卡/CLSHoliday】日前有參加「盲盒旅行團」斯里蘭卡之旅的「團友」在社交平台Threads大呻「中伏」，怒轟「貨不對辦」，形容是「特種兵行程」，又控訴導遊態度惡劣，更有同團團友現身留言，表示「第一日後已經想退團」、「覺得好唔掂」。主辦是次「盲盒旅行團」的「CLS Holiday」前日（7日）就事件回應，承認「的確有安排失誤的地方」並向團友道歉。
相關新聞：$1.5萬盲盒旅行團「貨不對辦」？四星酒店變兩星賓館 旅行社承認安排失當：信錯當地旅行社
「嚟緊冇四五星級酒店、只有7街瞓」
不過，「CLS Holiday」昨日（6日）在社交平台發帖，指又有新一團出發至也門索科特拉島，不過卻在帖文疑「抽火水」，小編指「嚟緊冇四五星級酒店、只有7街瞓」。
「尋晚只瞓咗三個半鐘 冇話辛苦」
小編又指「（團友）尋晚喺阿布扎比機場酒店只係瞓咗三個半鐘，開開心心轉機出發去索科特拉島，冇話辛苦」。小編又希望大家享受純大自然生活，「影多啲靚相返嚟啊！」懷疑對上團團友「指桑罵槐」，帖文被轉載至社交平台，引起網民熱烈討論。
網民：人哋新一團個post笑你哋傻X喎
有網民向在Threads發帖呻「中伏」的團友表示，「人哋新一團個post笑你哋傻X喎」、「你哋收完錢，間CLS串返轉頭」。
事主昨日（6日）原先表示，旅行社在商討期間都承認錯誤和不足，指全團員都接受了合理的賠償方案，直言「唔開心總算告一段落了，亦都得到好難忘嘅旅行經歷」。
當時人：個PR搞唔掂 唔再作評價
不過，小編抽水事件後，當事人再度回應，「我有睇FB，我啲團友都有睇，個PR搞唔掂…我唔再作評價了，告一段落了」。
相關新聞：$15,000盲盒旅行團中伏！港女力數3宗罪 怒轟酒店貨不對辦/特種兵行程 團友留言：喺車瞓嘅時間多過酒店
最Hit
高鐵大環線「深圳北至深圳北」7月1日開通！巨型版「山手線」全程5小時 途經惠州/潮州/河源
2025-06-22 10:00 HKT
56歲視帝猛料舊愛非洲Busking 竟被嘲得一首代表作唱足32年：本尊唱得好過原唱
2025-06-22 11:00 HKT
息影女星為70歲富媽媽豪擺壽宴 五星級酒店筵開多席 切七層高蛋糕派頭十足
2025-06-21 18:00 HKT