「文具佬」長文剖白逆市經營困境 1年執8分店苦呻暑假旺季變淡季 無奈嘆：個個都留返去日本先買
發佈時間：15:20 2026-08-19 HKT
本港零售業面對整體經濟環境挑戰，市民消費模式轉變，不少商戶紛紛調整營運策略。本地連鎖文具店「文具佬生活百貨」日前發長文剖白逆市經營困境，面對公司今年已有8間分店結業，坦言市道及消費習慣已大不如前，連傳統暑假旺季都變淡季，無奈指：「個個都留返去日本先買。」
「文具佬」長文剖白逆市經營困境 1年執8分店
今年本港零售市道持續不景，面對今年8間分店結束營業，文具佬負責人「7嫂」近日於官方專頁發長文，坦言今年經營環境「比預期更具挑戰，市道繼續差，加上行業競爭加劇」、「今年確實有較多分店因租約或成本問題需要調整，比我哋預期嘅多。」
文中同時宣佈大角咀港灣豪庭店成為下一間結業分店，原因為「地方太大，人流唔夠，租金太貴，附近居民唔知道我哋收埋咗喺冒險樂園後面」，暫定營業至九月中。
文具佬強調現時目標是「穩住盤生意，唔縮細規模」，並進一步解釋指分店結業主要分為兩類：一類是「Pop-up商場舖，租期完結自然離場」，另一類則是「正式租約期滿後，因租金未能達成合理共識而調整。」而雖然荔枝角舊舖已結業，但已覓得2個新舖位；另外帶來好消息，原本8月初租約期滿準備離場的上環分店成功留低，獲減租並續約3個月，「希望之後可以再延續落去。」
苦呻暑假旺季變淡季 無奈嘆：個個都留返去日本先買
談及消費習慣的轉變時，文具佬特別提及顧客傾向赴日或網購的趨勢，形容以往暑假一直是文具舖的傳統旺季，但今年前線職員在門市「真係聽過好多次」顧客的真實對話，包括「媽咪上網幫你買啦」、「下個禮拜去日本，到時先買筆袋」以及「唔好買住啦，日本買仲平……」。文具佬分析指，這反映「大家寧願留返個Budget去旅行，平時唔急住用嘅嘢，就習慣咗上網慢慢買」，市民變得「更加識格價、更加有選擇，亦更加清楚自己啲錢想使喺邊」。
面對市況，公司將採取「款多量少、以快打慢」策略，並盡量將售價貼近日本當地價格，同時加強開發獨家原創產品。又補充在逆市經營零售店之道：「做生意唔係鬥捱貴租，而係要確保長遠可以健康營運。」文具佬最後感謝顧客：「多謝每一位支持文具佬、執笠倉同文具Lab嘅朋友。你哋每一句『加油』，我哋都收到。」
網民齊撐：支持留港消費！
文具佬的帖文引來不少忠實顧客留言支持：「我都堅持香港消費，唔會淘寶、拼多多」、「多謝你哋留喺荔枝角店」、「去開邊區有文具佬嘅都必去行吓買吓嘢。我支持响（喺）香港消費，所以盡量幫襯，希望你哋頂得住」、「你哋嘅努力大家都會見到」、「希望上環留得住，放lunch時真係唯一樂土」、「今日見到長沙灣廣場即將開業，好期待。 可能冇之前香港個位咁大，但係都仍然會支持。」
亦有不少網民提出建議：「好欣賞你哋有整康樂棋呢啲淘寶買唔到嘅香港老玩意，我見到好驚喜，其實呢類淘寶拼多多搵唔到嘅香港土炮野都好正」、「反而內地個啲文具唔使入咁多，反正啲人寧願上網買內地牌子文具係咪？」、「只要定價唔好咁大咬，貨款又跟得上日本嘅話應該有得做，始終香港人都好鐘意呢類日本平價貨」、「你可以入Chiikawa景品，或者區域/店舖限定嘅嘢，呢啲上網買唔到。」
來源：文具佬
延伸閱讀：港男「淘寶菜鳥步兵日記」揭日薪超優厚！日送150件貨背後藏辛酸 網友好奇：點入行？
