全運會｜女子4X100米接力隊預賽第5未能晉級港將滿意有進步期望明年再推快時間

更新時間：16:28 2025-11-20 HKT
發佈時間：16:28 2025-11-20 HKT

港隊女子4X100米代表江俊淇、鄧焯文、白凱文、陳佩琦，於全運會女子4X100米預賽第2組跑出45秒56排第5，未能晉級決賽。港將指經過幾個大型比賽默契好了不少，寄望明年以原班人馬繼續練習，將時間進一步提升。

江俊淇滿意今場表現：「今場比賽感受到一條Team一條心，個連繫好好，交接上有好好默契，所以我好欣賞我的隊友。」鄧焯文和應說：「呢個棒數由今年年頭開始練到而家，覺得過程中默契已經提升好多，呢一場比賽都可以展現到出來。」
白凱文認同說：「今日呢個接力賽係我們在今次全運會最後一場比賽，亦都是今個賽季最後一場比賽，我覺得雖然天氣比較凍，又遇上好強勁的對手，我們沒有怯場好盡力去跑呢一場，所以我都好滿意。」

天氣轉凍影響不大

陳佩琦談及寒冷天氣，她指影響不大：「今日天氣都差成10幾度校凍，熱身我們又預多了時間去做，今朝七點幾已經出門口但係都OK，因為香港以往學界都係凍，香港都試過，當然熱D個人會fit D。因為已經賽了一場，所以今日狀態有提升。」
鄧焯文早前有參加男女混合接力，比較兩場比賽她說：「當日混合接力跑第二棒今次跑第三棒，同埋個天氣都好大分別，所以一定有唔同；再加上同女子接力隊默契熟D所以信心都會多D。」

寄望明年原班人馬跑得更快

展望明年賽事，陳佩琦說：「呢個組合呢一年2025年最後一次夾，我記得以往接力隊都換了好多唔同的面孔，今年我們都參加了兩個好大型的比賽。呢個賽季完結下年我們都會繼續努力，搏下一個賽季，希望下年呢個時候我們都係呢個陣容去參加接力。」白凱文又表示：「下年都有唔同的大賽，好似亞洲接力比賽同亞運會，所以準備個人項目之外，接力都會繼續練，希望可以將成績再推得快D。」