全運會｜港劍女花八強止步 關渝澄何瑋桁誓爭團體賽獎牌
發佈時間：19:13 2025-11-17 HKT
第十五屆全運會劍擊項目，今日(周一) 在啟德體藝館完成最後一輪個人賽事，明天(周二)將會舉行團體賽事。被寄予厚望的男子重劍「一哥」何瑋桁及女子花劍好手關渝澄，分別在16強及8強賽事中惜敗對手，無緣獎牌。兩人賽後在記者會上坦言雖有遺憾，已將目光投向團體賽，誓言要為香港爭奪殊榮。
關渝澄拚至反胃抽筋 主場壓力下調整 團體賽決心「攞翻塊牌」
世界排名第31的女子花劍代表關渝澄則為港隊帶來驚喜。她在16強賽以 15:10力克貴州選手樊施麗，晉級8強。雖然其後以9:15不敵福建的杭州亞運「雙金得主」黄芊芊，但已展現鬥志。
關渝澄賽後坦言，在主場作賽初期深受緊張影響，「我一開頭打得唔好，因為我好緊張，同埋我好睇我個對手系邊個。」她更透露，「我爸爸第一次嚟睇我打個大賽，我唔想令佢哋好失望。我就想打得好啲，但係結果我就太著重個結果。」
她更首度透露在16強賽中拚至身體出現極限反應。她笑言：「因為我平時緊張嘅話，我會做嘔。跟住我會忍唔住。」她描述在對陣貴州選手樊施麗時，因對手節奏快速，「我要系真係用全力拉開佢嘅進攻，我先唔會失分啦。所以我咁樣去對峙咁耐，跟著打咗好多個來回之後，我隻腳有少少抽筋，同埋有少少反胃。」當記者追問有冇想真嘔出嚟，她大笑著回答：「我冇呀，我忍住。」引起記者們大笑。
汲取個人賽經驗，關渝澄對團體賽充滿決心。她提及上屆全運獲得第四名的遺憾，「我覺得冇壓力，因為我們上次係第四名，就冇牌啦，嗰次真係好失望。」她與隊友早已定下明確目標：「我哋一早已經講咗，我哋好想今次攞翻塊牌。」
何瑋桁：狀態雖佳 關鍵時刻欠主動
男子重劍項目中，何瑋桁在32強先於「港隊內鬥」中以15:6擊敗隊友吳浩天晉級，惟在十六強以12:15不敵山東的修鈺涵。賽後，何瑋桁難掩失落，他坦言賽前目標是衝擊金牌，「我来之前的目標其實好貪心，希望可以1、2、3名，但係攞唔到」。他形容內戰感覺不好，「好似只有一個活（晉級）」，但晉級後本希望一鼓作氣衝金，可惜未能如願。
不過，他強調今日狀態實屬近半年最佳，他從中看到進步，「雖然輸咗，但係我都證明了，我係步法用得好，係有進步嘅」。他期望能迅速調整，與隊友在團體賽中力爭佳績，目標明確指向金牌，「我哋係完全係望住個金牌去衝。」
記者、攝影：廖偉業
