全運會｜伍家朗羽毛球男單8強下馬 「打咗9場好爽既波無遺憾」
更新時間：17:32 2025-11-17 HKT
發佈時間：17:32 2025-11-17 HKT
發佈時間：17:32 2025-11-17 HKT
字體大小
香港羽毛球老大哥伍家朗，於全運會羽毛球男單8強，以局數1:2不敵湖南球手王正行無緣準決賽。伍家朗雖然未能奪得獎牌，但滿意自己今仗的發揮，揚言：「打咗9場好爽既波無遺憾！」
伍家朗於男單8強下馬。電視截圖
伍家朗於男單8強下馬。中新社
伍家朗於男單8強下馬。中新社
伍家朗於男單8強下馬。中新社
伍家朗於第1局先贏21:18，第2局一度領先18:17，差3分便可以，可惜之後連失多分被王正行反勝21:19，局數扳平1:1。第3局，31歲的伍家朗明顯體力下降再輸14:21，局數反輸1:2。雖然落敗但伍家朗還是滿意自己的表現：「今場其實都表現到出嚟，今日勝負唔在於心理之間，大家都可以贏到嘅一場比賽，差小小做唔到贏嗰邊，無論心理、部署和教練臨場講嘅嘢已經做晒出嚟。」
打咗9場好爽既波無遺憾
8強出局後正式結束今屆全運之旅，家朗說：「今次全運體驗十足，11日內打咗9場波，賽程非常之密集，打呢9場波都好高強度，等如推到自己去極限，打咗9場覺得好爽既波，攞唔到獎但係都無憾。」
港隊表現合格
家朗亦滿意羽毛球隊今屆表現：「大家落到場都好想表現到自己最好既水平，但係比賽成績有好多因素影響。羽毛球隊今屆成績可以做好啲，所有球員年青，我哋年長嘅都盡咗力打晒自己嘅嘢出嚟，大家都做得非常好。今年比賽打完休息一段時間先，到12月冬訓，明年再去衝國際賽。」
最Hit
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
西貢區議員發現將軍澳居民「小福利」？深夜搭港鐵仍有列車服務 街坊網民解構出於1原因
2026-04-04 11:00 HKT