全運會│落淚自剖曾「力不從心」梁穎儀：留隊因為真係鍾意踩單車

更新時間：17:35 2025-11-16 HKT
發佈時間：17:35 2025-11-16 HKT

與李思穎（Ceci）攜手勇奪女子麥迪遜金牌的梁穎儀，賽後受訪一度動情落淚，自言今年上半年狀態「力不從心」，更擔心拖慢拍檔步伐。她坦言上屆全運會已萌退意，但最終選擇留下，原因很簡單——「鍾意踩單車」。

談到這面金牌背後的不易，梁穎儀直言：「大家都知Ceci呢一年進步好大，我覺得自己跟唔上佢步伐，跟唔上，點樣做好佢嘅拍檔？」講到此處她一度哽咽，「去到6、7月，我哋同教練重新傾過訓練方式，依家呢面金牌證明方向啱，希望之後喺世界賽都可以攞到成績。」

兩人自2023杭州亞運後正式結伴。由公路轉戰場地的梁穎儀笑言「乜都唔識，要由幼稚園開始學」，現時亦謙稱「未敢講進步好多，但起碼應該算升到小學」。她透露上屆全運會後曾考慮退役，這幾年不時質疑自己的實力，幸得Ceci一直打氣：「今日賽前佢都同我講，之前更難嘅比賽都捱過，呢場一定得。佢畀咗我好大信心，我冇理由唔信自己。」

今場關鍵出現在中段。港隊組合於第六及第七個衝分圈連奪頭位，兩度攬入5分，再加上成功超越主車群一圈的20分，分數一舉反超。梁穎儀指這並非賽前部署：「本身諗住後半程先發力，但衝完發現主要對手喺後面，覺得係機會，就先拎分數拉開差距。」

「我係一個鍾意踩單車嘅人。」她動情表示：「攞獎當然人人都想，但我仲留喺隊裡面，係因為我真心鍾意呢項運動。」她續指：「今屆全運會，係我運動生涯最深刻嘅一場比賽。」
記者：楊功煜

↓立即下載星島頭條App↓