全運會｜兩小將齊闖女100自準決賽談何詩蓓奪金是「強心針」

即時體育

更新時間：10:53 2025-11-14 HKT
發佈時間：10:53 2025-11-14 HKT

兩名港隊小將李芯瑤、馬紫玲今日聯同「女飛魚」何詩蓓出戰女子100米自由泳初賽，表現不俗。李芯瑤游出55秒40，列初賽第4；馬紫玲則以56秒04排第14，兩人齊齊躋身今晚上演的準決賽。

李芯瑤亦打入女子100自準決賽。楊功煜攝

馬紫玲。楊功煜攝

馬紫玲(圖)與何詩蓓一同晉級女子200米自由泳準決賽。楊功煜攝

李芯瑤賽後表示：「好攰，今日好多人無游放低咗壓力，所以自己都會放低咗少少壓力，放開自己來游。下半年好多比賽，今個全運盡量幫團隊既接力，做好自己爭取好成績返嚟。」她還讚全運會達世界級水平：「氣氛和設備都好好，我覺得同世界賽、世錦賽差唔多。」

至於預賽表現，她指在體力麻麻下已滿意：「55秒4不是好快，距離自己PB有一段距離，但係在體力無乜情況下，早上游這個時間自己好滿意，下午準決賽盡自己能力。見到好多人無游，可能因一陣要游4X200自接力，昨晚游完200自好攰呀，唔知點解好多人無游，所以自己入到準決賽都係一個僥倖。」

而馬紫玲對於晉級準決賽感到驚喜：「昨日恢復幾好，訓返夠，下午睇比賽好開心。今日表現OK，無話好滿意無話唔滿意，其實好驚喜，因為好多人無游，我無諗過自己入到(準決賽)，因為我100米未係好掌握個配速，所以入咗準決賽好開心。」至於隊友奪金帶來的激勵，馬紫玲直言何詩蓓昨晚為香港泳隊贏得全運首金，意義重大：「證明我哋有實力做到，畀咗我哋好大信心，係一支強心針，去準備之後嘅賽事。」

兩位小將將於今晚聯同何詩蓓出戰女子100米自由泳準決賽，力爭再闖決賽創造佳績。

↓立即下載星島頭條App↓