波仔至醒靈活玩│「歐洲傳奇」擅跑新鮮
更新時間：02:00 2025-09-14 HKT
發佈時間：02:00 2025-09-14 HKT
發佈時間：02:00 2025-09-14 HKT
字體大小
喺投注體驗店不時同馬迷傾開揀馬喜好，有些馬迷樂意揀表現準繩的馬匹，即使值博率稍低仍感覺較安心；亦有一類喜歡揀陣上曾展現過能力，縱使表現較為反覆，但相對換來較豐厚的賠率。
今戰我都選擇做後者，想敲一匹半冷門，就係出戰第一場五班千四米的「歐洲傳奇」，七歲馬上季五月復出分別跑過田草及田泥千二米，起步反應快，但明顯見前速轉慢，所以半程就已被頂出外疊，亦理解練者為何之後替其報跑盲門千四米。
表面睇「歐洲傳奇」四戰千四米都顆粒無收，但一仗係三班賽績，而上季尾總場次828嗰場直路阻到無得發揮，而我睇中佢就係上季一月的總場次359，該仗一來已確認是強組，其次早段步速偏快，最終前五名有四匹係後上馬，而跟「歐洲傳奇」一齊蝕快步速而之後識贏的「環球英雄」及「時尚歡欣」更係包尾大幡，所以更加反映「歐洲傳奇」少負三馬位跑第六名之表現絕對唔簡單。
「歐洲傳奇」暑期後輾轉已在五班上陣，再翻查此駒服役頭兩季的季內初出之役都可跑入亞軍，反映擅跑新鮮，加上腳患馬儲儲埋搏第一鋪亦非常合理。
波仔靈活玩過關提供：
第一場 Q/PQ 7 膽拖 1 2 3 4
第六場 二重彩 11 複式馬膽拖 2 6 8 10
第十場 WP 9
混合過關三串一 共128注
